Ni Kyahi Ekyangaletha Obutseme omw’Eka?
Wukalengekanaya mbwino . . .
-
lhw’olhwanzo?
-
sy’esyosente?
-
kutse ni kindi kindu?
EKYA BIBLIA YIKABUGHA
‘Obutseme buli okwa bakowa ekinywe kya Nyamuhanga n’erikolhakyo!’—Luka 11:28, e Biblia eye Kinandi eya 1980.
OMUGHASO W’ERIKIRIRYA EKI
Mukabana olhwanzo olhw’okwenene.—Abanya Efeso 5:28, 29.
Erisikania ery’okwenene.—Abanya Efeso 5:33.
Eriyiketherana.—Mariko 10:6-9.
KWENENE THWANGANA LIGHA EBYA BIBLIA YAMABUGHA EBI?
Ee, habw’esyonzumwa ng’ibiri:
-
Nyamuhanga Yuwatsukisaya Amaka. E Biblia yikakanganaya ngoku Nyamuhanga yuwatsukisaya amaka. (Enzuko 2:18-24) Ni bugha ambu, amaka aliho kundi Yehova yuwatsukisayagho. Busana naki eki ni kikulhu?
Thalengekania: Omughulhu wukalya ebyalya ebisihire kutsibu, iwukendibulyandi wamanza eriminya nga bahirire mwaki? Ahathe erithika-thika, iwukendibulya oyulyabitsumba.
Kuthya, eriminya ebyangaletha etseme omw’eka, thutholere ithwabulya Yehova Oyuwatsukisaya amaka.—Enzuko 2:18-24.
-
Nyamuhanga akutsomene. Ni ky’amenge amaka erighendera okw’ihabulha lya Yehova eriri omwa Kinywe kiwe. Busana naki? ‘Kusangwa akakutheghaya.’ (1 Petero 5:6, 7) Yehova akakusunzira ebibuya—kandi erihabulha liwe likakolha mughulhu wosi!—Emisyo 3:5, 6; Isaya 48:17, 18.
EKY’ERITHASYA LENGEKANIAKO
Wangabya wuthi iba mubuya, mukali muthahibwa mubuya, kutse mubuthi mubuya?
E Biblia yikasubiraya okwa kibulyo ekyo omwa ABANYA EFESO 5:1, 2 na ABANYA KOLOSAI 3:18-21.
You May Also Like
AWAKE!
Amaka Awabirithoka—Erikolha Haghuma
Mbwino wukanalhangira omwanze wawu ng’oyo wuli nayu omwa kisenge kighuma buyira?
EBITHUHAMBIREKO
Busana Naki Kitholere Erigha e Biblia?—Evidiyo Enyiri
E Biblia yikaha abandu bangyi erithimba omwa kihugho kyosi b’eby’erisubirya okwa bibulyo bikulhu omwa ngebe. Wunanzire eribya mughuma w’okw’ibo?
EBITHUHAMBIREKO
Saba Eribungirwa
Kanaya okwa kibulyo ekiseghemere okwa Biblia, kutse minya bingyi ebihambire okwa Bema ba Yehova.
