Embulha muyawa ahabw’ebiro 40, omusibo n’ekiro, neryo amaghetse mwabogha omwa kihugho kyosi. Abandu abosi ababi mubaholha.

Abamalaika abayisamambulha mubalhusya emibiri yabu ey’omunyoku neryo bamabya mbinga.

Ababya omw’obwathu mubalhama. Nomwakine indi enyuma waho Noa n’ab’eka yiwe mubaholha, Nyamuhanga akendi syabalhubukya n’eribaha engebe y’erikotha.

Sitani n’esyombinga bakalholha embere erithebya abandu.

Munabwire, ng’omwa buthuku bwa Noa, abandu bangyi bakaghana obusondoli bwa Yehova obw’olhwanzo. Yehova akisiya iniathoghothya ababi abosi.—2 Petero 2:5, 6.

Abandi bandu bali nga Noa. Bakahulikirira Nyamuhanga n’erikolha ebya akabugha; b’Abema ba Yehova.