Thwamabya thwanzire eritsemesya Yehova, thukathekawa erihulikirira owundi mundu mukulhu. Yehova abere abirihangika omundu w’ekirimu omwa lhubulha, muhahwa mughulhu muuli isyali ahangika Adamu.

Obuthuku mubwahika, Yehova amamuthuma eributhirwa e Betelehemu n’omumbesa oyukahulhawa mwa Maria. Omwana mwahulhwa mwa Yesu.—Yoane 6:38.

Ane okwa kihugho, Yesu mwakangania ndeke-ndeke emibere ya Nyamuhanga. Abya w’olhukeri, w’olhwanzo, kandi ikyolhobire erimuhikako. Omwa buthubaha, mwakangirirya abandi b’ekwenene eyihambire oku Yehova.

Abasondoli b’edini mubapona Yesu kundi mwabisulha esyongangirirya syabu esy’amabehi n’emibere yabu mibi.

Kandi Yesu mwalhamya abalhwere n’erilhubukya abandi abaholha.

Abasondoli b’edini mubasona-sona Abaroma nuku baswiraye Yesu n’erimwitha.