Wamabya n’omunywani oyo wukayighomba kandi n’erisikya, wukalengaho eribya ngaye. ‘Yehova ni mubuya kandi ahikene,’ e Biblia kwa yikabugha yithya. (Esyonyimbo 25:8) Eribya munywani wa Nyamuhanga, thutholere ithwabya babuya kandi ithwahikana. E Biblia yikabugha: ‘Mugherereraye Nyamuhanga, ng’abana abanzwa, kandi mughendere omwa lhwanzo.’ (Abanya Efeso 5:1, 2) Esi sy’esyanzira nguma-nguma esyathwangakolesya:

Ibya oyukawathikaya abandi. ‘Thukole ebibuya okw’abandu bosi.’​—Abanya Galatia 6:10.

Kolha n’akaghalha. ‘Omwibi sibe kandi, aliriryo akole omubiiri ow’ebyalha n’akaghalha, akakolha omubiiri uwene.’​—Abanya Efeso 4:28.

Ibya muyitsotse okwa mubiiri n’omwa ngeso. ‘Thuyeraye kw’ebithisirire byosi eby’omubiiri n’eby’ekirimu, thukaberererya eribya aba-buyirire omwa lhubahwa lhwa Nyamuhanga.’​—2 Abanya Korinto 7:1.

 Anza ab’omw’aka yaghu n’eribasikya. ‘Obuli mundu okw’inywe anze mukali wiwe ngoku ayanzire iyuwene, n’omukali asikaye mwira wiwe. Abana, mwowe ababuthi benyu.’​—Abanya Efeso 5:33–6:1.

Kanganaya abandi b’olhwanzo. ‘Thwanzane, kusangwa olhwanzo lhukalhwa oku Nyamuhanga.’​—1 Yoane 4:7.

Sikaya ebiraghiro eby’ekihugho. ‘Obuli mundu akenge obuthabali Mulihe abosi eminda yabo, ow’omusolho, omusolho.’​—Abanya Roma 13:1, 7.