Sitani akalenga okw’abandu bathoke erikolha ebindu bibi. Omundu oyu wanzire eribya munywani wa Nyamuhanga atholere inyapona ebya Yehova aponire. (Esyonyimbo 97:10) Bino bya bighuma okwa bindu ebya banywani ba Nyamuhanga bakayihighulhako:

Ebibi eby’olhuthetho. ‘Isiwasingira.’ (Eriluayo 20:14) Erikolha emyatsi y’olhuthetho muthe mwalunga nakyo nikibi.​—1 Abanya Korinto 6:18.

Erithamira. ‘Abathamiri sibendi syasighalya obwami bwa Nyamuhanga.’​—1 Abanya Korinto 6:10.

Obwithi, Erilhusya mw’Obukule. ‘Isiwitha.’​—Eriluayo 20:13.

Obwibi. ‘Isiwiba.’​—Eriluayo 20:15.

Amabehi. Yehova aponire ‘olhulimi olhw’eribiha.’​—Emisyo 6:17.

 Omwagha n’Erihithana Erithekakiribawa. ‘Oyu wanzire omwagha Yehova akamupona.’ (Esyonyimbo 11:5) ‘Erikolha ery’omubiri mwamuli erihithana.’​—Abanya Galatia 5:19, 20.

Ejara. ‘Simuyitherane na mundu wosi-wosi oyukahunga.’​—1 Abanya Korinto 5:11.

Eripona Erangi n’Ebihanda eby’Abandi Bandu. ‘Mwanze esyanzighu syenyu kandi musabire aba kabendereraya.’​—Matayo 5:43, 44.

Ebindu Nyamuhanga akathubwira ni by’obubuya bwethu. Sikyolho obuli ndambi eriyihighulha okw’ikolha ebindu bibi. Aliryo busana n’obuwathikya bwa Yehova n’obuwathikya obw’Abema biwe, iwangana yihighulha okw’ikolha ebindu ebithatsemesaya Nyamuhanga.​—Isaya 48:17; Abanya Filipi 4:13; Abaebrania 10:24, 25.