Erilinda obunywani n’omundu, anguli iwabya iwunamukanirania nayo. Wukamuhulikirira, kandi nayu inya kuhulikirira. Kandi nibya wukakanaya bindu bibuya oku munywani wawu eyiri abandi. Kwa kine kithya n’eribya munywani wa Nyamuhanga. Thalengekanaya e Biblia kwa yikakanaya okwa mwatsi oyu:

Kanaya na Yehova omwa musabe obuthumbya. ‘Muyitsingirire omw’isaba.’​—Abanya Roma 12:12.

Soma Ekinywe kya Nyamuhanga, e Biblia. ‘Amasako wosi atheghekanibawa na Nyamuhanga kandi ali n’endundi busana n’erikangirirya, n’erikunga erihaba n’erihabulha.’​—2 Timoteo 3:16.

Kangiriraya abandi oku Nyamuhanga. ‘Mughende muyire abigha okwa bihanda byosi,  mukangirirayebo erikolha ebyosi ebya nabiri bahana.’​—Matayo 28:19, 20.

Seghera hakuhi n’abanywani ba Nyamuhanga. ‘Oyukalendera n’abandu b’amenge asyabya w’amenge.’​—Emisyo 13:20, NW.

Ghenda omwa mihindano omwa Kisenge ky’Obwami. ‘Thughaniraye ngokwa thwangibukania okwa lhwanzo n’emibiiri eyuwene, thuhimbangane.’​—Abaebrania 10:24, 25.

Wagira omubiiri ow’Obwami. ‘Obuli mundu aheyo ngokw’abiriyisogha omwa muthima wiwe, butsira buhemu kutse erikunwa, kusangwa Nyamuhanga akanza abakaha n’eriyisyandira.’​—2 Abanya Korinto 9:7.