ERISOMO 04
Nyamuhanga Nindi?
Hakuhi aho abandu bakanathaberaho, babiriramya esyonyamuhanga nyingyi n’esyonyamuhanga sy’obukali. Aliwe e Biblia yikakanaya oku Nyamuhanga mughuma musa oyuli “mukulhu kwilhaba esyonyamuhanga syosi.” (2 Emyatsi y’Emigulu 2:5) Nayu nindi? Kandi ni kyahi ekikaleka iniabya mukulhu kwilhaba esyonyamuhanga esyosi esyo abandu bakaramaya? Omw’isomo lino, minya ebya Nyamuhanga oyu anzire iwamuminyako.
1. Erina lya Nyamuhanga yandi, kandi thwangaminya thuthi ngoku anzire ithwaliminya?
Omwa Biblia, Nyamuhanga akathubwira iyo nga nindi. Akabugha athi: “N’ingye Yehova. Eryo ly’erina lyaghe.” (Isaya 42:5, 8, NWT) “Yehova” ni rina eryahindulhawa erilhua omwa lina ly’Ekihebrania kandi kilhangirikire likamanyisaya “Akaleka Ikyabya.” Yehova anzire ithwaminya erina liwe. (Eriluayo 3:15, NWT) Ekyo thukakiminya thuthi? Erina liwe mwalihira omwa Biblia emirundi eyilhabire oku 7,000! a Erina Yehova ni rya “Nyamuhanga mughuma w’ekwenene” omo lhubulha n’okwa kihugho.—Yoane 17:3.
2. E Biblia yikabisulhaki oku Yehova?
E Biblia yikabugha yithi omwa syonyamuhanga syosi esyo abandu bakaramaya, Yehova musa ya Nyamuhanga w’okwenene. Busana naki? Hali nzumwa nyingyi. Yehova yuwithe obuthoki bunene kutsibu, kandi iyo musa ‘y’ow’Endatha Kutsibu okwa kihugho kyosi.’ (Esyonyimbo 83:18, NWT) Ni “Muthoki w’Ebyosi,” ekikamanyisaya kithi awithe obuthoki bw’erikolha ekyo akathwamu erikolha. Ni ‘muhangiki w’ebindu byosi’—obuhangwa bwosi n’ebyosi ebiwithe engebe okwa kihugho. (Eribisulirwa 4:8, 11) Erithendibya ng’owundi mundu wosi-wosi, Yehova iyo athulhaho, kandi akendi syabya inianeho kera na kera.—Esyonyimbo 90:2.
THASYIGHA BINGYI
Minya embaghane eyiri ahakathi-kathi k’ebitsumbi bya Nyamuhanga n’erina liwe ly’embaghane. Neryo kandi thasyaminya ng’akubisulira athi erina liwe n’ekyaleka.
3. Nyamuhanga awithe ebitsumbi bingyi, aliwe awithe erina lighuma
Erilhangira embaghane eyiri ahakathi-kathi k’ekitsumbi ky’omundu n’erina liwe, mubughaye EVIDIYO, mwanakania okwa kibulyo ekikakwamako.
-
Ni mbaghane yahi eyiri ahakathi-kathi k’ekitsumbi, nga “Mukama,” n’erina?
E Biblia yikabugha yithi abandu bakaramaya esyonyamuhanga nyingyi n’abakama bangyi. Soma Esyonyimbo 136:1-3, mwanakania okwa kibulyo kino:
-
“Oyulengire esyonyamuhanga syosi” kandi “Oyulengire abakama bosi” nindi?
4. Yehova anzire iwamuminya kandi iwakolesya erina liwe
Ni kyahi ekikakanganaya ngoku Yehova anzire iwaminya erina liwe? Mubughaye EVIDIYO, mwanakania okwa bibulyo ebikakwamako.
-
Wukalengekanaya Yehova ananzire erina liwe iryaminywa? Busana naki?
Yehova anzire abandu ibakolesya erina liwe. Soma Abanya Roma 10:13, mwanakania okwa bibulyo bino:
-
Busana naki ni kikulhu erikolesya erina lya Nyamuhanga, Yehova?
-
Wukayowa wuthi omundu am’ibuka erina lyawu kandi inialikolesya?
-
Wukalengekanaya Yehova akayowa athi wukakolesya erina liwe?
5. Yehova anzire iwabya munywani wiwe
Omukali owe Cambodia ya Soten mwabugha athi eriminya erina lya Nyamuhanga kyabirileka iniathunga “etseme nene kwilhaba kera.” Mubughaye EVIDIYO, mwanakania okwa kibulyo ekikakwamako.
-
Omo vidiyo, Soten eriminya erina lya Nyamuhanga mukyamuhambako kithi?
Eribya munywani w’omundu wutholere iwatsuka eriminya erina liwe. Soma Yakobo 4:8a, mwanakania okwa bibulyo bino:
-
Yehova anzire iwakolhaki?
-
Eriminya erina lya Nyamuhanga n’eririkolesya kyanga kuwathikya kithi eriyithunda okw’iyo?
ABANDI BAKABUGHA BATHI: “Hali Nyamuhanga mughuma, neryo erina siki.”
-
Wunalighire ngoku Yehova ly’erina lya Nyamuhanga?
-
Wanga soborera wuthi erikangania ngoku Nyamuhanga anzire ithwakolesya erina liwe?
OMWA BIKUHI
Yehova ly’erina lya Nyamuhanga mughuma w’okwenene. Anzire ithwaminya erina eryo n’erilikolesya nuku thwanga yithunda hakuhi nayu.
Eriyibukya
-
Yehova ni w’embaghane athi okwa sindi nyamuhanga syosi esyo bandu bakaramaya?
-
Busana naki thutholere ithwakolesya erina lya Nyamuhanga?
-
Ni kyahi ekikakanganaya ngoku Yehova anzire iwayithunda okw’iyo?
MINYA BINGYI
Lebaya esyonzumwa ithano esikaleka ithwakakasya ngoku Nyamuhanga aneho.
Minya ekikaleka ikyabya ky’amenge eriligha ngoku Nyamuhanga athulhaho.
“Nindi Oyuwahangika Nyamuhanga?” (The Watchtower, Okwomunani 1, 2014)
Minya ekikaleka ithwabya ithutholere erikolesya erina lya Nyamuhanga, nomwakine indi sithwasi nga lyabya likasobolhwa lithi kera.
Nina kikulhu mbulha wamahulha Nyamuhanga ya wuthiki? Lhangira ekyanga leka ithwabugha thuthi awithe erina lighuma lisa.
“Nyamuhanga Awithe Amena Mangahi?” (Omwatsi okwa muthuhulha)
a Eriminya bingyi ebihambire okwa ekyo erina lya Nyamuhanga likamanyisaya n’ekikaleka iryabya isiriri omwa sindi mbindulha sye Biblia, lebaya Appendix A4 omwa New World Translation of the Holy Scriptures.
