Yehova anzire iwamuminya ndeke. Busana naki? Awithe amaha athi wukendibya wuk’ongera eriminya emibere yiwe, esyonzira siwe, n’ekighendererwa kiwe, wukendyongera erianza eribya munywani wiwe. Kwenene iwanabya munywani wa Nyamuhanga? (Soma Esyonyimbo 25:14.) Wanga kolhaki eribya munywani wiwe? E Biblia yikasubiraya ebibulyo ebyo n’eribisulha ekikaleka eribya munywani wa Yehova ibwabya ibw’obunywani obo wangabya nabu obulengire.

1. Ni kokya lyahi eryo Yehova akakuha?

‘Muyithunde hakuhi na Nyamuhanga, nayu akendi yithunda hakuhi nenyu.’ (Yakobo 4:8) Eki kikamanyisayaki? Hano, Yehova akakukokaya athi wubye munywani wiwe. Abandi kyangana bakalira eriligha indi omundu anganabya munywani wa Nyamuhanga kundi syalilhangirawa. Aliwe, omwa Kinywe kiwe, e Biblia, Yehova akabisulha obuli kindu ekyo thutholere ithwakolha eriminya emibere yiwe nuku thuyithunde hakuhi nayu. Thukabya thukasoma omwatsi wa Nyamuhanga owali omwa Biblia, obunywani bwethu na Yehova bukongera nomwakine indi sithuli thwathamulhangira.

2. Busana naki Yehova ya Munywani mubuyanga oyo wangabya nayu?

Sihali oyukwanzire nga Yehova kw’akwanzire. Anzire iwatsema kandi iwamusaba obuwathikya wukabuyithagha. Wangana ghusira Nyamuhanga ‘y’erihangya-hangya lyawu kusangwa akakutheghaya.’ (1 Petero 5:7) Yehova akabya inianayitheghekire erisighika, erihumulikania, n’erihulikirira banywani biwe.​—Soma Esyonyimbo 94:18, 19.

3. Yehova anzire ithwakolhaki ithwe eribya banywani biwe?

Yehova anzire abandu abosi, aliwe ‘obwira bwiwe buli haghuma n’abathunganene.’ (Emisyo 3:32) Yehova anzire banywani biwe ibalengaho erikolha ebindu ebyo akalhangira mwa byuwene n’eriyihighulha okwa bindu ebyo akalhangira mwa bithuwene. Abandi bakayowa nga sibanga thoka erighendera okwa bihano bya Yehova ebihambire okwa kibuya n’ekibi. Aliwe Yehova awithe obuyitheghererya. Akaligha obuli mundu oyumwanzire erilhua okwa muthima kandi oyukahiraho akaghalha nuku amutsemesaye.​—Esyonyimbo 147:11; Emibiri 10:34, 35.

 THASYIGHA BINGYI

4. Abrahamu abya munywani wa Yehova

Omwatsi wa Abrahamu (Abramu) akaleka ithwaminya nga kikamanyisayaki eribya munywani wa Nyamuhanga. Soma ebihambire oku Abrahamu omwa Enzuko 12:1-4. Neryo mukanaye okwa bibulyo bino:

• Yehova mwabwira Abrahamu athi akoleki?

• Ni kyahi ekyo Yehova amulhaghanisaya?

• Abrahamu mwakolhaki Yehova akamuha obusondoli?

5. Yehova anzire banywani biwe ibakolhaki

Mughulhu mungyi thukanza banywani bethu ibathukolera bindu birebe.

• Ni bindu nga byahi ebya wanganza banywani bawu ibakukolera?

Soma 1 Yoane 5:3, mwanakania okwa kibulyo kino:

• Yehova anzire banywani biwe ibakolhaki?

Erithoka erighondera Yehova, ikyangana thuyithaghisya erihindulha emibere yethu. Soma Isaya 48:17, 18, mwanakania okwa kibulyo kino:

• Busana naki Yehova anzire banywani biwe ibakolha esyombinduka?

 6. Ebya Yehova akakolera banywani biwe

 OMWA BIKUHI

Yehova anzire iniabya Munywani wawu, kandi akendi kuwathikya eriyithunda okw’iyo.

Eriyibukya

• Yehova akawathikaya athi banywani biwe?

• Busana naki akabwira banywani biwe athi bakole esyombinduka?

• Wukalengekanaya mbwino Yehova anzire banywani biwe ibakolha ebyo bathe banga thoka? Busana naki?