Eriyibukya eby’Ekitsweka 1
Mukanaye okwa bibulyo bino n’oyukakweghesaya:
Ni kyahi ekikakutsemesaya okwa milhaghe ye Biblia ey’obuthuku obukasa?
(Lebaya Erisomo 02.)
Busana naki iwaligha ngoku e Biblia ni Kinywe kya Nyamuhanga?
(Lebaya Erisomo 03 na 05.)
Busana naki ni kikulhu erikolesya erina lya Yehova?
(Lebaya Erisomo 04.)
E Biblia yikabugha yithi Nyamuhanga ni “nzuko y’engebe.” (Esyonyimbo 36:9) Wun’ikirirye ekyo?
(Lebaya Erisomo 06.)
Soma Emisyo 3:32.
Busana naki Yehova ya Munywani mubuyanga oyo thwangabya nayu?
Yehova anzire banywani biwe ibakolhaki? Wukalengekanaya ikyanathokekana?
(Lebaya Erisomo 07 na 08.)
Soma Ekiriro 2:19.
Ni byahi ebya wabirithabwirako Yehova omo misabe? Ni bindi byahi ebya wangana hira omo misabe?
Yehova akasubiraya athi emisabe?
(Lebaya Erisomo 09.)
Soma Abaebrania 10:24, 25.
Emihindano y’Abema ba Yehova yanga kughasira yithi?
Wukalengekanaya hane ekyangaleka iwahiraho akaghalha erihindana okwa mihindano?
(Lebaya Erisomo 10.)
Busana naki ni kibuya erisoma e Biblia mughulhu wosi? Wuwithe endeghekaki eya buli kiro ey’erisoma e Biblia?
(Lebaya Erisomo 11.)
Erihika lino, ni kyahi ekyabirikutsemesya kutsibu omw’igha e Biblia?
Aha watsukire erigha e Biblia, ni bitsibu byahi, byamabya ibineho, ebya wabiribana? Ni kyahi ekyanga kuwathikya erilholha embere erigha?
(Lebaya Erisomo 12.)
