ERISOMO 13
Ngoku Amadini w’Amabehi Akatsandaya oku Nyamuhanga kw’Erina
Nyamuhanga amabya ini lhwanzo, busana naki ebindu bibi kutsibu ibyakolhwa omwa madini awakabugha athi asi Nyamuhanga? Omwa bikuhi, amadini aya ni w’amabehi; akatsandaya oku Nyamuhanga kw’erina. Amadini aya abiritsandya athi oku Nyamuhanga kw’erina? Nyamuhanga akayowa athi busana n’ekyo? Kandi akendi syakolhaki busana n’ekyo?
1. Amadini w’amabehi akatsandaya athi oku Nyamuhanga kw’erina omwa syongangirirya syagho?
Amadini w’amabehi ‘abirihingania ekwenene ya Nyamuhanga omo mabehi.’ (Abanya Roma 1:25) Ng’eky’erileberyako, amadini mangyi syali kangiriraya abandu babu erina lya Nyamuhanga. Aliwe, e Biblia yikabugha yithi erina lya Nyamuhanga litholere iryakolesibwa. (Abanya Roma 10:13, 14) Abandi bakulhu b’amadini bakabugha bathi ekindu kibi kyamabya, likabya ini sonda lya Nyamuhanga. Aliwe ayo ni mabehi. Nyamuhanga yuthelethaho obubi. (Soma Yakobo 1:13.) Eky’obulighe, amabehi w’amadini abirileka abandu ibalhua oku Nyamuhanga.
2. Ebikakolhawa omwa madini w’amabehi byabiritsandya bithi oku Nyamuhanga kw’erina?
Amadini w’amabehi syali kolha abandu ba ndeke ngoku Yehova anzire. E Biblia yikabugha yithi ebibi by’amadini w’amabehi ‘byabirithomengekana erihika elhubulha.’ (Eribisulirwa 18:5) Habw’emyaka mingyi, amadini abiriyingirya omwa by’epolitiki, erisighika esyonyuhi, n’erileka abandu bangyi ibakwa. Abandi bakulhu b’amadini banzire obugaga neryo bakasaba abandu babu b’esyosente. Ebyabakakolha ebi bikakanganaya ngoku si basi Nyamuhanga, neryo si bawithe ehamuli ey’erimwimanira.—Soma 1 Yoane 4:8.
3. Nyamuhanga akayowa athi busana n’amadini w’amabehi?
Ebya madini w’amabehi akakolha byamabya ibikakuponesaya, wukalengekanaya Yehova iyo akayowa athi? Anzire abandu, aliwe ahithene okwa bakulhu b’amadini abakamutsandaya kw’erina n’erikolha nabi abakabakwama. Akalhaghanisaya athi amadini w’amabehi akendi thoghothibwa kandi ‘isyendi syaswabanika kandi.’ (Eribisulirwa 18:21) Omwa buthuku obuthe bwahali, Nyamuhanga akendi ghunzaho amadini wosi w’amabehi.—Eribisulirwa 18:8.
THASYIGHA BINGYI
Ongera eriminya Nyamuhanga ng’akayowa athi busana n’amadini w’amabehi. Thasyaminya bingyi okwa bya madini ayo abirikolha, aliwe kandi minya ekyanga leka eki ikithakukakirya eriminya Yehova.
4. Nyamuhanga syali ligha amadini wosi
Abandu bangyi bikirirye bathi amadini ali ng’esyonzira muthina-muthina kandi esyosi sikakolhaya oku Nyamuhanga. Aliwe ekyo nina kwenene? Soma Matayo 7:13, 14, mwanakania okwa kibulyo kino:
-
E Biblia yikasoborera yithi enzira eyikakolhaya oko ngebe?
Mubughaye EVIDIYO, neryo mwanakania okwa kibulyo ekikakwamako.
-
E Biblia yikana bugha yithi hali madini mangyi awakatsemesaya Nyamuhanga?
5. Amadini w’amabehi syali kanganaya olhwanzo lhwa Nyamuhanga
Amadini abiritsandya oku Nyamuhanga kw’erina omo nzira nyingyi. Ekindu kibi kutsibu ekyo akakolha ly’erisangira omo syonyuhi. Erilhangira eky’erileberyako kighuma, mubughaye EVIDIYO. Mwanakania okwa bibulyo ebikakwamako.
-
Ni byahi ebya madini mangyi akolha omo Lhuhi Lhwakabiri lhw’Ekihugho Kyosi?
-
Wukayowa wuthi busana n’ebya bakolha?
Soma Yoane 13:34, 35 na 17:16. Mwanakania okwa bibulyo bino:
-
Yehova atholere eribya iniakayowa athi amadini akayingirya omwa syonyuhi?
-
Amadini w’amabehi w’akaleka ihabya ebindu bibi bingyi. Ni mwa nziraki wabirilhangira amadini akalemwa erikangania olhwanzo lhwa Nyamuhanga?
Amadini w’amabehi syali athakangania olhwanzo lhwa Nyamuhanga
6. Nyamuhanga anzire abandu ibalhua omo madini w’amabehi
Soma Eribisulirwa 18:4, a neryo mwanakania okwa kibulyo kino:
-
Wukayowa wuthi eriminya ngoku Nyamuhanga anzire iniasabulha abandu ababirithebibwa omo madini w’amabehi?
7. Lholha embere erigha oku Nyamuhanga w’okwenene
Amadini w’amabehi anatholere iniahamba okwa malengekania agho wuwithe oku Nyamuhanga? Thalengekania oko mughalha oyukaghana obusondoli bw’amenge obwa thatha wiwe akamuha. Omughalha iniahuma eka neryo iniayabya omo ngebe eyithuwene. Thatha syali hamaya okwa bya mughalha wiwe akathwamu erikolha. Busana naki isikyendibya ky’amenge eritsweba thatha busana n’engebe eya mughalha wiwe omuyisamambuli oyo alimo?
-
Ikyanabya ky’amenge eritsweba Yehova n’erileka eriminya ebimuhambireko busana n’ebya madini w’amabehi akakolha?
ABANDI BAKABUGHA BATHI: “Ebya Nyamuhanga si nga byanzire kundi amadini wakaleka ihabya ebitsibu bingyi.”
-
Nawu wukanayowa wuthya?
-
Busana naki ebya madini w’amabehi akakolha si bitholere bikahamba okwa malengekania awathuwithe oku Yehova?
OMWA BIKUHI
Amadini w’amabehi akatsandaya athi oku Nyamuhanga kw’erina omwa syongangirirya syagho sy’amabehi n’ebindu bibi eby’akakolha.
Eriyibukya
-
Wukayowa wuthi busana n’ebya madini w’amabehi abirikangirirya n’eby’akakolha?
-
Yehova akayowa athi busana n’amadini w’amabehi?
-
Ni kyahi ekya Nyamuhanga akendi syakolha okwa madini w’amabehi?
MINYA BINGYI
Minya esyonzira ibiri esyo amadini mangyi akaponeserayamu Nyamuhanga.
“Amadini Wosi Anasosene? Awosi Akanakolhaya oku Nyamuhanga?” (Omwatsi okwa muthahulha)
Busana naki Yehova anzire ithwamuramya ithune haghuma n’abandi?
Omufaza mwayiponera busana n’ebikakolhawa omo dini yiwe. Aliwe ekyo mukithamukakirya erigha ekwenene eyihambire oku Nyamuhanga.
“Ekyaleka Omufaza Inialhua omo Dini Yiwe” (Awake!, Okwakabiri 2015)
Habw’emyaka mingyi, amadini abiribugha oku Nyamuhanga kw’amabehi ikyaleka Nyamuhanga iniabya nga syathutsomene kandi nga syalikwa obulighe. Minya ekwenene eyihambire okw’asathu w’okwa mabehi ayo.
“Amabehi Awakaleka Nyamuhanga Iniabya nga Syanganzwa” (The Watchtower, Okwerikuminakughuma 1, 2013)
a Eriminya ekikaleka ekitabu ky’Eribisulirwa ikyakania okwa madini w’amabehi ng’omukali oyukahulhawamo Babeli Mukulhu, lebaya Endomeko 1.
