ERISOMO 21
Engulhu Yuwene Yine Muthulhughanibwa Yithi?
Erilhabira omo Bwami bwiwe, Yehova akisiya iniaghunzaho ebitsibu byethu ebyosi. Engulhu eyo yuwene kutsibu indi obuli mundu atholere iniaminyayo. Yesu aby’anzire abakamukwama ibabwira omwatsi oyu w’obuli mundu! (Matayo 28:19, 20) Abema ba Yehova bakakolha bathi ekya Yesu alhaghira eki?
1. Ebiri omu Matayo 24:14 binemubererera bithi munabwire?
Yesu mwalhaghulha athi: ‘Engulhu yuwene y’obwami eyi yasyatsuka erithulhughanibwa omwa kihugho kyosi.’ (Matayo 24:14) Abema ba Yehova batsemire erisangira omwa mubiiri mukulhu oyu. Thunemuthulhughania engulhu yuwene omwa kihugho kyosi omwa mibughe eyilhabire omu 1,000! Omubiiri munene oyu akayithagha erihiraho akaghalha kanene n’obuyithondeke. Syanga kolhwa ahathe obuwathikya bwa Yehova.
2. Ni kaghalha kahi ako thukahiraho erithulira abandu?
Thukathulira ehosi-hosi eyo thwangabana abandu. Ng’Abakristayo ab’omwa kighana ky’erimbere, thukathulira ‘omo manyumba w’abandu.’ (Emibiri 5:42) Enzira y’obuyithondeke eyi yikaleka ithwahika okwa syomiliyoni sy’abandu obuli mwaka. Kundi abandi sibalibya eka mughulhu wosi, thukathulira n’omwa myanya mingyi eyikabya mw’abandu bangyi. Mughulhu wosi thukabya ithunemusondekania akaghisa k’eribwira abandi oku Yehova n’ebighendererwa biwe.
3. Ni bahi abawithe olhukwamirwa lhw’erithulha engulhu yuwene?
Abakristayo abosi ab’okwenene bawithe olhukwamirwa lhw’eribwira abandi b’engulhu yuwene. Thukalhangira olhukwamirwa lhwethu olhu mwa lhukulhu. Thukathulira ngoku thwanga thoka erikwamana n’emibere eyo thulimu kundi thunasi ngoku engebe y’abandu yiri omwa kabi. (Soma 1 Timoteo 4:16.) Sithuli thuhawa habw’erikolha omubiiri oyu, kundi e Biblia yikabugha yithi: ‘Mwabiryangirira butsira eririha, muhe abandi butsira eririhisya.’ (Matayo 10:7, 8) Si bugha indi obuli mundu akaligha omwatsi wethu. Aliwe thukalholha embere kundi erithulira ni kitsweka ky’okw’iramya lyethu kandi likatsemesaya Yehova.
THASYIGHA BINGYI
Minya bingyi okwa kaghalha ako Abema ba Yehova bakahiraho erithulira omwa kihugho kyosi kandi lhangira ngoku Yehova akathuwathikaya.
Erithulira omwa kihugho kyosi: (A) Costa Rica, (B) United States, (C) Benin, (D) Thailand, (E) Yap, (F) Sweden
4. Thukahiraho akaghalha erihika okwa bandu bosi
Abema ba Yehova bakahiraho akaghalha kanene erithulira abandu b’engulhu yuwene ehosi-hosi. Mubughaye EVIDIYO, mwanakania okwa kibulyo ekikakwamako.
-
Ni kyahi ekikakutsemesaya busana n’akaghalha ako Abema ba Yehova bakahiraho erithulira?
Soma Matayo 22:39 na Abanya Roma 10:13-15, mwanakania okwa bibulyo bino:
-
Erithulira lyethu likakanganaya lithi ku thwanzire abaliranwa bethu?
-
Yehova akayowa athi busana n’abakathulha engulhu yuwene?—Lebaya omulhondo 15.
5. Thukakolha haghuma na Nyamuhanga
Ebyalholirweko bingyi bikakanganaya ngoku Yehova anemusondolha omubiiri wethu. Ng’eky’erileberyako, e New Zealand mughalha wethu oyukahulhawamo Paul inianemuthulira nyumba okwa nyumba omw’ithungyi mweya omukali. Engyakya ey’ekiro ekyo, omukali abya iniabirisaba oku Nyamuhanga omw’ikolesya erina lya Nyamuhanga, Yehova, erimusaba athi omundu amubungire. Paul akabugha athi: “Habere hakalhaba esyosaha isathu, munamuhikako.”
Soma 1 Abanya Korinto 3:9, mwanakania okwa kibulyo kino:
-
Ebyalholirweko ebiri ng’ekyabya e New Zealand eki bikakanganaya bithi ngoku Yehova anemusondolha omubiiri w’erithulira?
Soma Emibiri 1:8, mwanakania okwa kibulyo kino:
-
Busana naki thukayithagha obuwathikya bwa Yehova eriberererya omubiiri wethu w’erithulira?
Wunalhue wasi?
Obuli wiki, okwa mihindano yethu y’ahakathi-kathi k’eyenga, thukathendekawa ngoku thwanga thulira. Wamabya iwanahindene okwa mughuma w’okwa mihindano eyi, muwalengekania wuthiki okw’ithendekwa eryo?
6. Thukaghondera ekihano kya Nyamuhanga eky’erithulira
Omwa kighana ky’erimbere, abahakani mubalengaho erilemesya abakakwama Yesu erithulira. Abakristayo abakera mubalhwira okwa bughabe bwabu obw’erithulira ‘omw’ihangania engulhu yuwene.’ (Abanya Filipi 1:7) Namunabwire Abema ba Yehova banemukolha ekyo. a
Soma Emibiri 5:27-42, mwanakania okwa kibulyo kino:
-
Busana naki sithwanga leka erithulira?—Lebaya omulhondo 29, 38, na 39.
OMUNDU ANGANA BULYA ATHI: “Busana naki Abema ba Yehova bakaghenda nyumba okwa nyumba?”
-
Wanga bugha wuthiki?
OMWA BIKUHI
Yesu mwalhaghira abakamukwama athi bathule engulhu yuwene okwa bihanda byosi. Yehova anemuwathikya abandu biwe erikolha omubiiri oyu.
Eriyibukya
-
Engulhu yuwene yinemuthulhughanibwa yithi omwa kihugho kyosi?
-
Omubiiri wethu w’erithulira akakanganaya athi ku thwanzire abaliranwa bethu?
-
Wukalengekanaya omubiiri w’erithulira anganathulethera etseme? Busana naki?
MINYA BINGYI
Lhangira ngoku Abema ba Yehova bakathulira abandu omwa syotawuni nene-nene.
Abema ba Yehova babirikolhaki erithulira abathibithi?
Hulikirira omundu akasoborera ngoku abiribana etseme busana n’erikolha mubiiri w’Obwami ow’omughulhu wosi.
Minya ngoku erisinga emisango omwa koti kyabirileka engulhu yuwene iyalholha embere erithulhughanibwa.
“Abathuliri b’Obwami Bakathwalha Omusango Wabu Omwa Koti” (God’s Kingdom Rules!, esura 13)
a Nyamuhanga yukathuha ehamuli y’erithulira. Neryo, Abema ba Yehova erithulha engulhu yuwene sibali yithagha erihebwa ehamuli erilhua okwa b’obuthoki.
