ERISOMO 32
Obwami bwa Nyamuhanga Bunemuthabalha Lino!
Obwami bwa Nyamuhanga bwatsuka erithabalha elhubulha omo mwaka wa 1914. Obo bwa n’obuthuku obwa tsukiramu ebiro by’enyuma-nyuma by’erithabalha ly’abandu. Thukaminya thuthi? Thalengekania okwa maminyereri we Biblia n’ebyabiribya n’emibere y’abandu ebyabirilhangirika eritsuka 1914.
1. Ni kyahi ekyo amaminyereri we Biblia akakanganaya?
Ekitabu kye Biblia ekya Danieli mukyakangania ngoku Obwami bwa Nyamuhanga bwanga tsukire erithabalha habilhaba obuthuku obukahulhawamo ‘emighulhu musanju.’ (Danieli 4:16, 17) Enyuma w’ebighana bingyi, Yesu mwakania okwa buthuku obo ‘ng’emighulhu y’ebihanda,’ kandi mwakangirirya athi siyiriyahwa. (Luka 21:24) Ngoku thukendi lhangira, emighulhu musanju muyahwa omwa 1914.
2. Ni byahi ebinemubya kandi abandu babiribya na mibereki eritsuka 1914?
Abigha ba Yesu mubamubulya bathi: “Ekiminyikalho ky’erihika lyawu ni kyahi, n’erihwererera ly’emighulhu eyi ni kiro kyahi kwehi?” (Matayo 24:3) Yesu mwasubirya omw’ibabwira ebindu bingyi ebyangabere abiritsuka erithabalha elhubulha ng’Omwami w’Obwami bwa Nyamuhanga. Ebighuma by’okw’ibyo mwamuli esyonyuhi, enzalha, n’emisiki. (Soma Matayo 24:7.) E Biblia kandi muyalhaghulha yithi emibere y’abandu ‘b’ebiro by’enyuma-nyuma’ yangalekire engebe ‘iyakalha.’ (2 Timoteo 3:1-5) Ebikabya ebi n’emibere y’abandu kutsibu-tsibu byabirilhangirika eritsuka 1914.
3. Busana naki ekihugho kyabiritsanda kutsibu eritsuka aho Obwami bwa Nyamuhanga bwa tsukira erithabalha?
Buthuku buke Yesu alibere Mwami w’Obwami bwa Nyamuhanga, mwalhwa na Sitani n’esyombinga siwe omwa lhubulha. Sitani mwasingwa. E Biblia yikabugha yithi ‘mwaghuswa ahisi oko kihugho, n’abamalaika bayo mubaghuswa ahisi haghuma nayu.’ (Eribisulirwa 12:9, 10, 12) Sitani ahithene kutsibu kundi anasi kw’akendi thoghothibwa. Neryo akaletha omwa kihugho kyosi mw’obulhumi n’eriaghalhwa. Ky’ekilekire kwesi ekihugho ikyatsanda kithya kutsibu! Obwami bwa Nyamuhanga bukendi ghunzaho ebitsibu ebyosi ebi.
THASYIGHA BINGYI
Lebaya ekikaleka ithwaminya ngoku Obwami bwatsuka erithabalha 1914 kandi ngoku eki kikathuhambako.
4. Eribaririra ly’omwa Biblia likakolhaya oko 1914
Nyamuhanga mwalhothesya omwami we Babeli ya Nebukadneza y’ebilhotho by’obuminyereri. Ebilhotho ebyo n’erikumbulha erya Danieli aha bikakanganaya ebihambire okwa buthabali bwa Nebukadneza n’Obwami bwa Nyamuhanga.—Soma Danieli 4:17. a
Soma Danieli 4:20-26, mwanakolesya echati erisubirya okwa bibulyo bino:
-
(A) Nebukadneza mwalhangiraki omwa bilhotho biwe?—Lebaya omulhondo 20 na 21.
-
(B) Ni kyahi ekyangabere okwa muthi?—Lebaya omulhondo 23.
-
(C) Ni kyahi ekyangabere okw’ihwererera ‘ly’emighulhu musanju’?—Lebaya omulhondo 26.
Ngoku Ekilhotho ky’Omuthi Kihambire oko Bwami bwa Nyamuhanga
OBUMINYERERI (Danieli 4:20-36)
Obuthabali
(A) Omuthi muuli kutsibu
Obuthabali erimanibwa hake
(B) “Mukonde omuthi,” kandi halhabe ‘emighulhu musanju’
Obuthabali bukasubibawaho
(C) “Obwami bwawu bwasyabya . . . bwawu” kandi
Omw’ibererera ly’erimbere ery’obuminyereri obu . . .
-
(D) Omuthi abya ak’imanirandi?—Lebaya omulhondo 22.
-
(E) Obwami bwiwe mubw’imanibwa buthi hake?—Soma Danieli 4:29-33.
-
(F) Ni kyahi ekyabya oku Nebukadneza okw’ihwererera ‘ly’emighulhu musanju’?—Soma Danieli 4:34-36.
ERIBERERERA LY’ERIMBERE
Obuthabali
(D) Nebukadneza, Omwami we Babeli
Obuthabali erimanibwa hake
(E) Enyuma wa 606 E.K.K., Nebukadneza akabya musire n’eribya isyanga thasyathabalha habw’emyaka musanju eyonyine-nyine
Obuthabali bukasubibawaho
(F) Erisire lya Nebukadneza likalhama kandi akathasyatsuka erithabalha
Omw’ibererera eryakabiri ery’obuminyereri obu . . .
-
(G) Omuthi abya ak’imanira bahi?—Soma 1 Emyatsi y’Emigulu 29:23.
-
(H) Obuthabali bwabu mubw’imanibwa buthi hake? Thukaminya thuthi ngoku bwabya isibukithabalha Yesu iniane okwa kihugho?—Soma Luka 21:24.
-
(I) Obuthabali obu bwasubaho mughulhu wahi kandi hayi?
ERIBERERERA LYAKABIRI
Obuthabali
(G) Abami be Israeli bakimanira Obuthabali bwa Nyamuhanga
Obuthabali erimanibwa hake
(H) E Yerusalemu yikathoghothibawa, erith’imania hake erithabalha ly’abami be Israeli habw’emyaka 2,520
Obuthabali bukasubibawaho
(I) Yesu akatsuka erithabalha omwa lhubulha ng’Omwami w’Obwami bwa Nyamuhanga
Emighulhu musanju ni buthuku bungahi?
Ebindi bitsweka by’omwa Biblia bikathuwathikaya eriyitheghererya ebindi bitsweka. Ng’eky’erileberyako, ekitabu kye Biblia eky’Eribisulirwa kikabugha kithi emyaka [emighulhu] isathu n’embindi yingene n’ebiro 1,260. (Eribisulirwa 12:6, 14) Emighulhu musanju by’ebiro ebi emirundi ibiri, kutse ebiro 2,520. Hakanayira e Biblia iyakolesya ekiro erimanira omwaka. (Ezekieli 4:6) Kwa bine bithya n’okwa mighulhu musanju eyikanibweko omwa kitabu kya Danieli—yikimanira emyaka 2,520.
5. Ekihugho kyabirihinduka eritsuka 1914
Yesu mwalhaghulha ebyangabere omo kihugho enyuma w’eribya Mwami. Soma Luka 21:9-11, mwanakania okwa kibulyo kino:
-
Okw’ebi, ni byahi ebya wabiriyilhangirira kutse eriowako?
Omukwenda Paulo mwasoborera abandu ng’abangabere bathi omwa biro by’enyuma-nyuma omwa buthabali bw’abandu. Soma 2 Timoteo 3:1-5, mwanakania okwa kibulyo kino:
-
Ni mibere yahi eya wunemulhangira omwa bandu munabwire?
6. Erithabalha ly’Obwami bwa Nyamuhanga litholere iryathuhira mw’omuhwa
Soma Matayo 24:3, 14, mwanakania okwa bibulyo bino:
-
Ni mubiiri wahi mukulhu owakakanganaya ngoku lino Obwami bwa Nyamuhanga bunemuthabalha?
-
Wanga sangira wuthi omwa mubiiri oyu?
Obwami bwa Nyamuhanga lino bunemuthabalha, kandi ekiro bukendi thabaliramo ekihugho kiri hakuhi. Soma Abaebrania 10:24, 25, mwanakania okwa kibulyo kino:
-
Obuli mughuma w’okw’ithwe atholere iniakolhaki thukalhangira “ekiro ky’omukama kikahika hakuhi”?
Wamaminya ekindu ekyangawathikya n’erilhamya abandi, iwukendi kolhaki?
OMUNDU ANGANA BULYA ATHI: “Busana naki Abema ba Yehova bakakanaya kutsibu okwa 1914?”
-
Iwukendi bugha wuthiki?
OMWA BIKUHI
Amaminyereri we Biblia, eribaririra, n’ebikabya omwa kihugho bikakanganaya ngoku lino Obwami bwa Nyamuhanga bunemuthabalha. Thukakanganaya ku thukaligha eki omw’ibuthulhughania n’erihindana okwa mihindano y’ekithunga.
Eriyibukya
-
Ni kyahi ekyabya okw’ihwererera ly’emighulhu musanju eyikanibweko omu Danieli?
-
Ni kyahi ekikakulighisaya ngoku Obwami bwa Nyamuhanga bwatsuka erithabalha 1914?
-
Wanga kangania wuthi ku wukaligha ngoku Obwami lino bunemuthabalha?
MINYA BINGYI
Minya ebya abasomire ebya kera n’abandi bakabugha okwa byabiribya omwa kihugho eritsuka 1914.
“Omughulhu eby’Esyongeso Byatsandira Ighuma” (Awake!, Okwakani 2007)
Minya ngoku obuminyereri obuli omu Matayo 24:14 bwahamba oko ngebe y’omulhume mughuma.
“Inganzire e Bbesibbolo Kwilhaba Ekindi Kindu Kyosi-Kyosi!” (The Watchtower No. 3 2017)
Thukaminya thuthi ngoku obuminyereri obuli omu Danieli sura 4 bukakanaya oko Bwami bwa Nyamuhanga?
Ni kyahi ekikakanganaya ngoku ‘emighulhu musanju’ eyiri omu Danieli sura 4 yahwa omwa 1914?
a Lebaya emyatsi ibiri ey’erighunzerera eyiri omo katsweka Minya Bingyi omw’isomo lino.
