ERISOMO 33
Ebyo Bwami Bukendi Syakolha
Obwami bwa Nyamuhanga bwabiritsuka erithabalha. Bukisiya ibwakolha esyombinduka nene-nene hano okwa kihugho. Thulebaye ebighuma by’okwa bibuya ebyo wanga lindirira ahisi sy’erithabalha ly’Obwami.
1. Obwami bwa Nyamuhanga bukendi syaletha buthi obuholho n’obulingirirania okwa kihugho?
Yesu, Omwami w’Obwami bwa Nyamuhanga, akendi syathoghothya abandu babi n’esyogavumente sy’abandu okwa lhuhi lhwe Harmagedoni. (Eribisulirwa 16:14, 16) Okwa buthuku obo, omulhaghe we Biblia ono akendi syabererera: ‘Omo kandi kathambi, ababi basyabulirana.’ (Esyonyimbo 37:10) Erilhabira omo Bwami, Yesu akendi syalhangira athi ekihugho kikusulha mw’obuholho n’obulingirirania.—Soma Isaya 11:4.
2. Engebe yikendi syabya yithi erisonda lya Nyamuhanga likayirwa okwa kihugho?
Ahisi sy’obuthabali bw’Obwami bwa Nyamuhanga, ‘abathunganene basyikalha omo kihugho mo buholho, n’erisighalyakyo kera na kera.’ (Esyonyimbo 37:29) Thalengekania eribya omo kihugho omo obuli mundu athunganene kandi abosi ibabya ibanzire Yehova n’erianzana! Sihali oyukendi syalhwalha, kandi obuli mundu akendi syabyaho kera na kera.
3. Obwami bwa Nyamuhanga bukendi syakolhaki ababi babirithoghothibwa?
Ababi bakendi syabya babirithoghothibwa, Yesu akendi syathabalha ng’Omwami habw’emyaka 1,000. Okwa buthuku obo, iyo n’abakendi syathabalha nabo 144,000 bakendi syawathikya abandu okwa kihugho eribya bandu abahikene n’erihwamo ekibi. Okw’ihwererera ly’obuthuku obo, ekihugho kikendi syabya ikyamabiribya paradiso eyuwenenga, ikyamabiryusulha mw’abandu abatsemire abakaghasirawa omw’ighendera okwa bihano bya Yehova. Neryo Yesu akendi syasubulirya Thatha wiwe, Yehova, y’obuthabali. Kwilhaba kera, erina lya Yehova ‘likendi syayirwa mo libuyirire.’ (Matayo 6:9, 10) Kikendi syabya ikyabirikanganibwa ngoku Yehova ya Muthabalha mubuya oyukatsomana abandu biwe. Neryo Yehova akendi syathoghothya Sitani, esyombinga, n’abandi abosi abakendi syathwamu eriyisamambulha oko buthabali Bwiwe. (Eribisulirwa 20:7-10) Emibere eyihikene eyo Bwami bwa Nyamuhanga bukendi syaletha yikendi syabyaho kera na kera.
THASYIGHA BINGYI
Minya ekikaleka ithwayikethera ngoku Nyamuhanga akendi syakolesya Obwami eriberererya emilhaghe yosi ye Biblia ey’obuthuku obukasa.
4. Obwami bwa Nyamuhanga bukendi syaghunzaho esyogavumente sy’abandu
“Omundu mughuma awithe obuthoki okwa wundi erimuhuthalya.” (Omugambuli 8:9) Erilhabira omo Bwami bwiwe, Yehova akendi syaghunzaho obuthe bulingirirania obu.
Soma Danieli 2:44 na 2 Abanya Tesalonika 1:6-8, mwanakania okwa bibulyo bino:
-
Yehova na Mughalha wiwe, Yesu, bakendi syakoleraki esyogavumente sy’abandu n’abakasighikasyo?
-
Ebya wamabirigha oku Yehova na Yesu bikakukakasaya bithi ngoku bakendi syakolha omo bulingirirania?
5. Yesu y’Omwami oyutholere
Ng’Omwami w’Obwami bwa Nyamuhanga, Yesu akendi syakolha bingyi ebikendi syaghasira abali okwa kihugho. Mubughaye EVIDIYO erilhangira ngoku Yesu abirisangwa akangania ngoku anzire eriwathikya abandu kandi ngoku Nyamuhanga abirimuha obuthoki obw’erikolha ekyo.
Yesu iniane okwa kihugho, mwakolha ebikakanganaya ebyo Bwami bukendi syakolha. Okwa mighisa eyiri ahikwa hano, ni wahi ogho wulindirire kutsibu? Soma amasako awaliho awahambire okwa mighisa eyo.
|
INIANE OKWA KIHUGHO, YESU . . . |
INIANE ELHUBULHA, YESU AKENDI . . . |
|---|---|
|
|
|
|
|
|
|
|
6. Obwami bwa Nyamuhanga bukendi syaletha okwa kihugho kw’emibere eyuwenenga
Obwami bukendi syaberererya omo buswire ekighendererwa kya Yehova eky’erimbere busana n’abandu. Bakendi syikalha okwa kihugho kera na kera. Mubughaye EVIDIYO erilhangira ngoku Yehova anemukolesya Mughalha wiwe, Yesu, eriberererya ekighendererwa Kiwe.
Soma Esyonyimbo 145:16, mwanakania okwa kibulyo kino:
-
Wukayowa wuthi wukaminya ngoku Yehova akendi ‘syughuthya obwagha’ bw’obuli mundu?
ABANDI BAKABUGHA BATHI: “Ithwe bosi thwamakolera haghuma, ithukendi ghunzaho ebitsibu by’ekihugho.”
-
Ni bitsibu byahi ebyo Bwami bwa Nyamuhanga bukendi syaghunzaho ebyo esyogavumente sy’abandu sithe syanga ghunzaho?
OMWA BIKUHI
Obwami bwa Nyamuhanga bukendi syaberererya ekighendererwa kyabu. Bukendi syahindulha ekihugho kyosi mwa paradiso eyoswire mw’abandu abuwene abakendi syaramya Yehova kera na kera.
Eriyibukya
-
Obwami bwa Nyamuhanga bukendi syayira buthi erina lya Yehova mwa libuyirire?
-
Busana naki ithwaligha thuthi Obwami bwa Nyamuhanga bukendi syaberererya emilhaghe ye Biblia?
-
Okwa bya Bwami bwa Nyamuhanga bukendi syakolha, ni byahi ebya wulindirire?
MINYA BINGYI
Minya e Harmagedoni nga niki.
Lebaya ndeke ebikendi syabya omwa mughulhu ogho Yesu ahulhamo “obulighe bunene.”—Matayo 24:21.
Lhangira ngoku esyofamile syangana ghanirya haghuma okwa mighisa y’Obwami ey’obuthuku obukasa.
Omo mwatsi “Nabya Ngwithe Ebibulyo Bingyi Ebikanyilyambaya,” minya ngoku oyuwabya akahakanisya egavumente abana eby’erisubirya.
“E Biblia Yikahindulha Esyongebe” (The Watchtower, Okwokubanza 1, 2012)
