ERISOMO 48
Sombolha Ndeke Abangabya Banywani Bawu
Abanywani b’okwa ndungu bakaleka ithwatsema omwa mighulhu eyuwene, kandi bakathughumaya omo mighulhu eyikalire. Aliwe e Biblia yikathubwira yithi si bugha indi obuli mundu ni munywani mubuya. Neryo kwesi wanga sombolha wuthi abanywani abuwene? Lengekanaya okwa bibulyo bino.
1. Abanywani abawukendi sombolha bakendi kuhambako bathi?
Kikabya nga thwanzire eribya ng’abandu abathukasiba nabu. Eki kyangana thuhambako ndeke kutse nabi—kandi ekyo ni kwenene mbulha thukasiba nabu busu okwa busu kutse okwa mithahulha y’erikanirania. Ngoku e Biblia yikabugha, ‘wulendere haghuma n’abandu b’amenge nawu wasyabya w’amenge; nikwa omwira w’abakiru [abathanzire Yehova] asyakwa.’ (Emisyo 13:20) Abanywani abanzire Yehova kandi abakamuramaya bangana kuwathikya eribya munywani wiwe n’erithwamu ndeke. Aliwe abanywani abathe omwa kithunga bangana thusegherya haali oku Yehova. Kwesi ky’ekikaleka e Biblia iyathubwira yithi thusombole ndeke abanywani! Abanywani bethu bamabya ini bandu abanzire Nyamuhanga, ithwe bosi thukaghasirawa. Thukathoka ‘erisibikania, n’erihimbana.’—1 Abanya Tesalonika 5:11.
2. Abanywani abawukasombolha bakendi leka Yehova iniayowa athi?
Yehova akasombolha ndeke abanywani biwe. ‘Obwira bwiwe buli haghuma n’abathunganene.’ (Emisyo 3:32) Yehova iniakendi yowa athi thwamasombolha abanywani abathamwanzire? Iniakendi yiponera kutsibu! (Soma Yakobo 4:4.) Okwa lhundi lhuhandi, iniakendi tsema kandi iniathusombolha mwa banywani biwe thwamaghana abanywani babi n’eriyithunda hakuhi nayu n’erianza abamwanzire.—Esyonyimbo 15:1-4.
THASYIGHA BINGYI
Minya ekikaleka ikyabya ini kikulhu erisombolha ndeke abangabya banywani bawu, kandi lhangira nga wanga kulha-kulhania wuthi obunywani obwanga kughasira.
3. Yitheghaye okwa manywani mabi
Abandu abathanzire Nyamuhanga n’ebihano biwe si banywani abuwene. Mubughaye EVIDIYO, mwanakania okwa kibulyo ekikakwamako.
-
Thwanga yisanga thuthi ithwabiriyingirya omo manywani mabi isithwasi?
Soma 1 Abanya Korinto 15:33, mwanakania okwa bibulyo bino:
-
Ni mundu oyuli athi oyuwangabya munywani mubi? Busana naki?
Soma Esyonyimbo 119:63, mwanakania okwa kibulyo:
-
Ni byahi ebya wutholere iwasondekania omwa munywani?
Ekighuma ekibbolire kyangana tsandya ebindi. Omunywani mubi angakuhambako athi?
4. Abandu abali mbaghane okw’ithwe banganabya banywani babuya
E Biblia yikakanaya oku Dawudi na Yonatana, abalhume babiri omwa Israeli kera. Sibabya bingene omo myaka kandi ibalhuire omo mibere eyithasosene; aliwe, babya banywani kundu. Soma 1 Samweli 18:1, mwanakania okwa kibulyo kino:
-
Busana naki si bugha ambu mughulhu wosi banywani bethu batholere ibabya b’emyaka yethu kutse ekitsumbi kyethu?
Soma Abanya Roma 1:11, 12, mwanakania okwa kibulyo kino:
-
Abanywani abanzire Yehova banga himbana bathi?
Omo vidiyo, lhangira ngoku mughalha wethu omulere abana abanywani omo myanya eyo athayitsulirye. Mubughaye EVIDIYO, mwanakania okwa bibulyo ebikakwamako.
-
Omo vidiyo, busana naki ababuthi ba Akil babya bakayilhalikirira abanywani biwe ab’okwa sukuru?
-
Okw’itsuka, ni byahi ebyaleka Akil inianza abanywani biwe abo?
-
Mwathoka athi erisingura embwera yiwe?
5. Ngoku wanga bana abanywani abuwene
Minya ngoku wanga bana abanywani abuwene—kandi nawu ngoku wangabya munywani oyuwene. Mubughaye EVIDIYO.
Soma Emisyo 18:24 na 27:17, mwanakania okwa bibulyo bino:
-
Abanywani b’okwenene bakawathikanaya bathi?
-
Nawu wunawithe abanywani abali ng’abo? Byamabya ikwabithe bithya, wanga banabo wuthi?
Soma Abanya Filipi 2:4, mwanakania okwa kibulyo kino:
-
Eribana abanywani abuwene, wutholere iwabya munywani oyuwene. Ekyo wanga kikolha wuthi?
Erithunga abanywani abuwene, wutholere nawu iwabya munywani oyuwene
ABANDI BAKABUGHA BATHI: “Eribya n’omunywani wosi-wosi kyuwene kwilhaba erithendibya n’omunywani.”
-
Iwe wanga bugha wuthiki?
OMWA BIKUHI
Omughulhu thukasombolha ndeke abanywani, thukatsemesaya Yehova kandi ithwayighasira.
Eriyibukya
-
Busana naki abanywani abathukasombolha bakahamba oku Yehova?
-
Ni manywani awali athi agho thutholere ithwayihighulhako?
-
Wanga hiraho wuthi obunywani obukamathire n’abandu abatholere?
MINYA BINGYI
Lhangira ngoku abanywani abuwene banga thuwathikya omwa buthuku bw’ebitsibu.
“Kamathaya Amanywani Enduli Yitheyasa” (Akaleberyo, Okwerikuminakughuma 2019)
Lengekanaya okwa bya wanga kolha eribana abanywani abuwene.
“Nangabana Indi Abanywani Abuwene?” (Questions Young People Ask—Answers That Work, Volume 1, esura 8)
Wutholere iwaminyaki okwa banywani ab’okwa Intaneti?
Kolesaya Ndeke Emithahulha ye Intaneti ey’Erikanirania (4:12)
Omo mwatsi “Ini Ngakandira Erithunga Thatha,” minya ekyaleka omulhume mughuma iniathwamu erisondya abandi banywani.
“E Biblia Yikahindulha Esyongebe” (The Watchtower, Okwakani 1, 2012)
