ERISOMO 57
Kandi Ibbwa Wamakolha Erilholho Erikalire?
Nomwakine indi wanzire Yehova ya kutsibu kandi wukalengaho eriyihighulha okw’ikolha ekyosi-kyosi ekyanga muhithania, okwa bundi buthuku wangana halya. Aliwe, awandi malholho akalire okwa wandi. (1 Abanya Korinto 6:9, 10) Wamakolha erilholho erikalire, ambi iwibuka ngoku Yehova akinakwanzire; anayitheghekire erikughanyira n’erikuwathikya.
1. Thutholere ithwakolhaki Yehova erithughanyira?
Abanzire Yehova bakayowa nabi kutsibu bakaminya ku babirikolha erilholho erikalire. Aliwe bakabana erihumulikanibwa omwa kya Yehova alhaghanisaya abandu biwe: ‘Nomo ebibi byenyu byangabya ng’engulha, byasyabya byeru ng’enzururu.’ (Isaya 1:18) Thwamayisubamo erilhua okwa muthima, Yehova iniakendi thughanyira ndeke. Thukayisubamo thuthi? Busana n’eriyikubya bwomo, thukaleka ekibi kandi ithwalemba-lemba Yehova thuthi athughanyire. Neryo thukalengaho kutsibu erihindulha amalengekania kutse emitse mibi eyaleka ithwakolha erilholho, n’erilengaho erighendera okwa bihano bya Yehova ebihenirye.—Soma Isaya 55:6, 7.
2. Yehova akakolesaya athi abasyakulhu erithuwathikya thwamakolha erilholho?
Thwamakolha erilholho erikalire, Yehova akathubwira athi ‘thubirikire abakulhu [abasyakulhu] b’ekanisa.’ (Soma Yakobo 5:14, 15.) Abalhume abasombwerwe aba banzire Yehova n’esyombuli siwe. Babirithendekwa ndeke erithuwathikya erisuba-subania obughuma bwethu na Yehova.—Abanya Galatia 6:1.
Abasyakulhu bakathuwathikaya bathi thwamakolha erilholho erikalire? Abasyakulhu babiri kutse basathu ibakendi thuhengulha, omw’ikolesya erihabulha eriseghemere okwa Masako. Kandi ibakendi thuha amenge n’erihabulha ebyanga thuwathikya eriyihighulha okw’ithasyakolha erilholho. Erithoka eritheya ekithunga okwa mibere mibi, abasyakulhu bakalhusaya omwa kithunga mw’owosi-wosi oyukakolha erilholho erikalire oyukaghana eriyisubamo.
THASYIGHA BINGYI
Ongera erisima emibere Yehova akathuwathikirayamo thwamakolha erilholho erikalire.
3. Eribisulha erilholho lyethu kikathuwathikaya erilhama
Erilholho lyosi-lyosi erya thukakolha likahamba oku Yehova, neryo kihikire erimubwiralyo. Soma Esyonyimbo 32:1-5, mwanakania okwa kibulyo kino:
-
Busana naki ni kibuya ithwe eribwira Yehova y’amalholho wethu omwakanya k’erianza eribisiriragho?
Eryongera okw’ibwira Yehova y’amalholho wethu, thukabana erithekana thwamasondya obuwathikya okwa basyakulhu. Mubughaye EVIDIYO, mwanakania okwa kibulyo ekikakwamako.
-
Omo vidiyo, abasyakulhu mubawathikya bathi Canon erisuba oku Yehova?
Thutholere ithwabya b’okwenene n’eribwira abasyakulhu b’ebyosi; baliho erithuwathikya. Soma Yakobo 5:16, mwanakania okwa kibulyo kino:
-
Eribya b’okwenene kikaleka kithi ikyolhobera abasyakulhu erithuwathikya?
Bisulha erilholho lyawu, ibya w’okwenene embere sy’abasyakulhu, kandi ligha obuwathikya bwa Yehova obw’olhwanzo
4. Yehova akakanganaya abakolha-nabi b’obughanyiri
Oyuwabirikolha erilholho erikalire amaghana erighendera okwa bihano bya Yehova, akalhusibawa omwa kithunga, kandi sithuli tsanga nayu ng’omunywani. Soma 1 Abanya Korinto 5:6, 11, mwanakania okwa kibulyo kino:
-
Ngoku ekihamya kikanabimbaya omukanyu w’omuggati, eritsanga n’omukolha-nabi oyutheyisubamo ng’omunywani kyanga hamba kithi okwa kithunga?
Omw’igherererya obughanyiri obo Yehova akakanganaya abakolha-nabi abathahikene, abasyakulhu bakayira eky’erikolha eriwathikya ababirilhusibwa omwa kithunga. Abangyi babirisuba omwa kithunga busana n’erikungwa, nomwakine indi mulyabalethera obulhumi, mulyaleka ibayisubamo.— Esyonyimbo 141:5
• Emibere Yehova akakolonganiramo n’abakolha-nabi yikakanganaya yithi ngoku ni w’obuyitheghererya, ow’obughanyiri, kandi ow’olhwanzo?
5. Yehova akathubuyira thukayisubamo
Yesu mwakolesya omusyo owakathuwathikaya eriyitheghererya Yehova ng’akayowa athi omundu akayisubamo. Soma Luka 15:1-7, mwanakania okwa kibulyo kino:
-
Eki kikakweghesayaki oku Yehova?
Soma Ezekieli 33:11, mwanakania okwa kibulyo kino:
-
Ni kiika kyahi kikulhu ekikayithaghisibawa omw’iyisubamo?
Ng’omulisya, Yehova akatsomana kutsibu esyombuli siwe
ABANDI BAKABUGHA BATHI: “Ngasagha indi namabwira abasyakulhu b’erilholho lyaghe, iningendi lhusibwa omwa kithunga.”
-
Ni kyahi ekya wanga bwira omundu oyukayowa athya?
OMWA BIKUHI
Thwamakolha erilholho erikalire aliwe thukayikubyabwomo thukathwamu erileka ekibi ekyo, Yehova iniakendi thughanyira.
Eriyibukya
-
Busana naki ni kibuya ithwe eribwira Yehova y’amalholho wethu?
-
Ni byahi ebya thutholere ithwakolha nuku ebibi byethu bighanyirawe?
-
Thwamakolha erilholho erikalire, busana naki thutholere ithwasondya obuwathikya bw’abasyakulhu?
MINYA BINGYI
Lebaya ngoku omulhume mughuma ayilhangirira erighanyira lya Yehova eriri omu Isaya 1:18.
Abasyakulhu bakalengaho bathi eriwathikya abakakolha ekibi ekikalire?
Lebaya ngoku abakolha-nabi abatheyisubamo bakakanganibawa olhwanzo n’obughanyiri.
“Obuwathikya Okwa Bakalhusibawa Omwa Kithunga” (Akaleberyo, Okwomunani 2024)
Omo mwatsi “Munayithagha Erisuba oku Yehova,” minya ekyaleka omulhume oyuwayisununulha okwa kwenene iniayowa Yehova iniabirithasyamuletha okw’iyo.
“E Biblia Yikahindulha Esyongebe” (The Watchtower, Okwakani 1, 2012)
