Ngoku wanga ghasirwa kutsibu omw’igha lye Biblia lino
Thatsuka erilebya emithondere eyiri hano, neryo mubughaye EVIDIYO.
EKITSWEKA KY’ERIMBERE
Erithegheka obuli lisomo, soma ekitsweka ky’erimbere. Ebibulyo ebinire (A) n’amasako (B) bikahira omuwatho oko syonzumwa ngulhu-ngulhu. Wuminye ngoku awandi masako ali kw’ekinywe “soma.”
EKITSWEKA EKY’AHAKATHI-KATHI
Ebinywe ebikatsuka (C) ahisi sya Thasyigha Bingyi bikasoborera ekikakwamako. Emithwe mike-mike (D) yikathonda esyonzumwa ngulhu-ngulhu. Iwune n’oyukakweghesaya, soma amasako, subiraya ebibulyo, n’erilebya esyovidiyo.
Ehisanduko ehihandikiremo EVIDIYO hikakuthwalha omo by’emedia ebikathasyasighika omwatsi. Esindi vidiyo siri mw’ebyonyine-nyine ebyabya. Esindi ni by’erilhangirirako ebithekanganaya ebyabya ebyonyine-nyine kutse abandu abonyine-nyine aliwe bikakanganaya ebyanganabya.
Lebaya ebisasani n’ebinywe ebikasoborerabyo (E), kandi lengekanaya okwa ebya wanga subirya okwa Abandi Bakabugha Bathi (F).
EKITSWEKA KY’ERIGHUNZERERA
Omwa Bikuhi na Eriyibukya (G) bikaluma erisomo. Handika ebiro ebyo erisomo lyamahweramo. Ekilhubirirwa (H) wukahandikaho eky’erikolha. Minya Bingyi (I) hali ebindi ebya wanga soma kutse erilebya wamanza.
Ngoku wangabana emilhondo omo Biblia
E Biblia yiri mw’ebitabu bike-bike 66. Yiri mw’ebitsweka bibiri: Amasako w’Ekihebrania-Ekiaramaiki (“Erilhaghana lya Kera”) n’Amasako w’Ekigiriki (“Erilhaghana Lihya-lihya”).
Erisako lyamakanganibwa omo kitabu kino, likahandikawa omo lina ly’ekitabu kye Biblia (A), ikwakwama esura (B), n’omulhondo kutse emilhondo (C).
Ng’eky’erileberyako, Yoane 17:3 hakamanyisaya ekitabu kya Yoane, esura 17, omulhondo 3.
