Wunalhue Wasi?
Busana naki kyabya kibuya ehithungulha n’ehipizo eriliwa ng’obuhere?
OMWA Mighambo, Yehova iniakaligha ehithungulha n’ehirikuku [ehipizo] ng’obuhere. Mughulhu wosi ehinyonyi hibiri ehi ihikahulhawa haghuma omwa mighambo eyihambire okwa buhere kandi akandi ikangana kolesibwa omwa mwanya w’akandi. (Law. 1:14; 12:8; 14:30) Busana naki eki kyabya kibuya? Enzumwa nguma yiri yithi ehithungulha isihiri banika lhuba-lhuba. Busana naki?
Akathungulha
Ehithungulha ni hinyonyi ehikahuma-huma ehikabya omwa Israeli omwa mezi w’ekihuhania. Obuli Okwerikumi, ihikahumira eyikwa omwa bihugho by’ekihuhania, ihyasuba omwa Israeli omwa Kwakani. (Olw. 2:11, 12; Yer. 8:7) Eki kikamanyisaya kithi, omwa Israeli kera, ikikakalira Abaisraeli erihayo ehithungulha ng’obuhere omwa buthuku bw’ekihuhiriro.
Akapizo k’omwa lhukuka
Okwa lhundi lhuhandi, ehirikuku [ehipizo] sihiri bera erihuma, neryo ihikabya ihine omwa Israeli omwa mwaka wosi. N’ekindi, ehipizo ihikathungawa eka. (Thasyalebaya na Yoane 2:14, 16.) Erikwamana n’ekitabu Bible Plants and Animals, “abosi omwa byalu n’omwa syotawuni sye Palestine ibathungire ehipizo. Obuli muthungyi w’ehipizo, iniakabya inianahiwithire akanyumba kutse ekyuna omwa kidongo, aho hyangabya.”—Thasyalebaya na Isaya 60:8.
Akapizo kane omwa kyuna
Neryo Yehova mwakangania kw’awithe olhwanzo n’obuyitheghererya omw’iligha obuhere bw’ehinyonyi ehyabya hikabya ihine omwa Israeli omwaka wosi.
