Thukasoma e Biblia, thwangana sondekania eby’obughuli omw’isekulya. Aliwe thwanga kolhaki nuku thughasirawe ndeke?

Minya bingyi ebikakanaya buuli oko myatsi ye Biblia. Ng’eky’erileberyako, minya oyuwahandika omwatsi oyo nga nindi, ng’ahandikirawa ndi, kandi ng’ahandikagho mughulhu wahi. Habya mibereki akahandikwa, athe ahandikwa, n’enyuma w’erihandikwa?

Bana amasomo omw’isekulya okwa bibulyo nga bino: ‘Abandu ababya bahambirweko mubayowa bathi? Mubakangania mibereki? Busana naki ingagherererya emibere eyo kutse eriyihighulha kuyo?’

Kolesaya amasomo agho wam’igha, obundi omw’ithulira lyawu kutse wukakolongana n’abandi. Omw’ikolha eki, thukakanganaya amenge wa Nyamuhanga, ngoku e Biblia yikabugha yithi: “Ab’amenge baghaniraye emyatsi eyi.”—Esy. 107:43.

• Amenge: Lhangira ngoku omwatsi owali omwa kitsweka ky’emihindano ya hakathi-kathi k’ewiki ekya eby’Obughuli Omwa Kinywe kya Nyamuhanga akathuwathikaya erighendera okwa bya thuk’igha. Ekitsweka eki kikabya ikinemubyamo ebibulyo ebyo thwanga yibulya, esyonzumwa esyo thwanga ghaniryako, n’ebisasani ebyo thwanga lengekaniako.