Abandi Balawi abathabya bahereri babya ibanawithe eyindi mibiiri, ng’erikolha ng’abapolisi. Ibakasondolhawa n’omwimaniri w’ehekalu. Omuhandiki Omuyuda ya Philo akakanaya okwa bapolisi abo athi: “Abandi Balawi bakatheghaya esyonyukyo aho abandu bak’ingirira omwa hekalu, abandi bakatheghaya olhubugha-bugha lhw’ehekalu, erilhangira bathi simulingira oyuthahamulirwe eringiramo. Abandi bakabya ibanemuthimba okwa hekalu eritheyayo, abandi omwa kiro n’abandi omw’ithungyi.”

Ab’eribughiro ibakabya ibanemuthuma abapolisi aba. Eyi y’egurupu nyisa ey’Abayuda eya obuthabali bwe Roma bwabya bukalighira eribya n’eby’amalhwa.

Erikwamana n’omusomi ya Joachim Jeremias, “ebinywe ebya Yesu abugha akahambwa, athi obuli kiro nabya nyikere omo Hekalu ingakangirirya, momuthanyihamba (Mt. 26:55), byangabya imubyayitheghereribwa ndeke abapolisi b’Ehekalu bamabya ibabasyamuhamba.” Kandi athi abasyahamba Yesu eki kithe kyabya nabo babya ini bapolisi b’okwa hekalu. (Yn. 7:32, 45, 46) Ab’eribughiro mubathuma omwimaniri w’ehekalu n’abandi bakulhu eriyaletha abakwenda. Kandi abapolisi b’okwa hekalu bangabya ibabakurira Paulo y’eyihya sy’ehekalu.—Emib. 4:1-3; 5:17-27; 21:27-30.