Thwangana ghanyirwa ebibi byethu erilhabira omwa kihongo ky’endongolya kisa ekya Yesu aliha omo musasi wiwe. (Efe. 1:7) Nomwabine, e Biblia yikabugha yithi: ‘Nyamuhanga mwalindirira, mwakirukya ameso oko bibi ebyakolhawa kera,’ ni bugha ambu, Yesu athali ahayo endongolya. (Abar. 3:25) Yehova mwakolha eki ky’athi n’erilhangira athi akabya inianemukangania obulingirirania bwiwe obuhikene?

Okwa malengekania wa Yehova, endongolya muyabya ng’eyabirihebwayo omughulhu athwamu erihayo ‘ekihanda’ ekyanga lhamirye abikirirya. (Enz. 3:15; 22:18) Ahathe erithika-thika, Nyamuhanga aby’ayikethere ndeke-ndeke ngoku okwa buthuku obo abirihiraho, Mughalha wiwe ekyusa angahereyo endongolya ahathe erikakwa. (Gal. 4:4; Ebr. 10:7-10) Yesu iniane okwa kihugho ng’oyuk’imanira Nyamuhanga, aby’awithe obuthoki bw’erighanyira ebibi nibya n’endongolya isiyiriyahebwayo. Mwakolha ekyo omw’ikolesya obughuli bw’ekihongo kiwe ekyanga hebirweyo oko bandu abikirirye.​—Mt. 9:2-6.