Soma Enzuko 37:23-28; 39:17-23 erighira okwa kyalholirweko kya Yozefu eky’erighumira obuthebulingirirania.

Minya omwatsi ng’ahambire okuki. Ni kyahi ekyaleka Yozefu iniakanganibwa obuthebulingirirania? (Enz. 37:3-11; 39:1, 6-10) Yozefu abya w’erighumira obuthebulingirirania habw’omughulhu mungahi? (Enz. 37:2; 41:46) Omwa buthuku obo, ni kyahi ekya Yehova akolera Yozefu, aliwe mwathamukoleraki?—Enz. 39:2, 21; w23.01 17 enu. 13.

Sekulhaya. E Biblia siriyibugha yithi Yozefu mwanayilhwirako muka Potifa akamuhangirira. Amasako ano angathuwathikya athi erilengekania okwa kyangabya iky’ekyaleka Yozefu iniabya bukuthu kutse okwa kyanga leka ithwabya isithutholere erianza eribisulirwa emyatsi eyosi? (Emi. 20:2; Yn. 21:25; Emib. 21:37) Ni mibere yahi eyangabya imuyawathikya Yozefu erighumira obuthebulingirirania?—Mika 7:7; Lk. 14:11; Yak. 1:2, 3.

Minyerera amasomo. Yibulhaye:

• ‘Ni buthebulingirirania bwahi obo nangakanganibwa ingye ng’omwigha wa Yesu?’(Lk. 21:12, 16, 17; Ebr. 10:33, 34)

• ‘Nanga yitheghekera indi erighumira obuthebulingirirania?’ (Esy. 62:7, 8; 105:17-19; w19.07 enu. 2-7)