Yikethere Omusondoli Wethu—Ya Kristo
“Omusondoli wenyu ni mughuma, ya Kristo.”—MATAYO 23:10.
1, 2. Ni mubiiri wahi munene kutsibu owa Yosua athunga Musa abiriholha?
YEHOVA mwabwira Yosua athi: “Musa omughombe waghe aholire; neryo lino wuhangane, wusoke e Yorodani eyi, iwe n’abandu bosi aba, oko kihugho ekyo ngaha abaana ba Israeli.” (Yosua 1:1, 2) Eyo ka yabya mbinduka oku Yosua, oyuwabya mughombe wa Musa hakuhi myaka 40!
2 Musa abya iniabirisondolha Abaisraeli habw’obuthuku buuli, aliwe lino Yosua abya iyukayabasondolha. Neryo angabya imwanayibulya abandu nga banemwendi muligha ng’omusondoli wabu. (Eryibuka Ebihano 34:8, 10-12) Ekitabu kighuma ekikakanaya okwa bye Biblia kikabya kikakania oku Yosua 1:1, 2, kikabugha kithi ekighuma ky’okwa mighulhu eyikalire n’ey’akabi okwa kihanda, kera na munabwire, mw’omughulhu kikathunga omusondoli muhyaka.
3, 4. Nyamuhanga mwatsumulha athi Yosua busana n’erimuyikethera, kandi ni kibulyo kyahi ekyo thwanga yibulya?
Yosua 1:9-11) Nyamuhanga mwatsumulha Yosua busana n’erimuyikethera kandi mwakolesya omumalaika erisondolha Yosua n’Abaisraeli. Omumalaika oyu angabya ini Kinywe, Omughalha akambere ka Nyamuhanga.—Eriluayo 23:20-23; Yoane 1:1.
3 Yosua iniatholere erikwa obuba. Aliwe mwayikethera Yehova kandi mwalhuaho iniaghendera okwa busondoli bwiwe. (4 Yehova mwawathikya Abaisraeli erithoka erighenda-ghendania n’esyombinduka esyasa busana n’erithunga Yosua ng’omusondoli wabu muhyaka. Namunabwire, hane mubya esyombinduka nyingyi esinene-sinene. Ithwangana yibulya, ‘Omughulhu ekithunga kya Nyamuhanga kine mukulha-kulhana n’eribana esyombinduka, thunawithe esyonzumwa mbuya esy’eriyikethera Yesu iyo ng’omusondoli wethu oyusombwerwe?’ (Soma Matayo 23:10.) Erisubirya ekibulyo ekyo, thukendi lebya ngoku Yehova asondolha abandu biwe kera hakabya esyombinduka.
ERISONDOLHA ABAISRAELI ERINGIRA OMWA KIHUGHO EKYALHAGHANISIBAWA
5. Ni kindu kyahi ekithe kya buli kiro ekyo Yosua alholhako hakuhi ne Yeriko? (Lebaya ekisasani ekiri okw’itsuka.)
5 Abaisraeli imubanamabirisoka e Yorodani, Yosua mwalholha okwa kindu ekithe kya buli kiro. Hakuhi n’omuyi we Yeriko, mwasangana omulhume oyuwithe oko muyali. Yosua mwabulya omulhume athi: “Wuli w’okw’ithwe, kutse w’okwa syonzighu syethu kwehi?” Yosua mwasweka omulhume akabugha athi ni “munya-mwami w’emilhondo y’Omwami Mukulhu,” Yehova, omumalaika oyuwabya ayitheghekire erilhwira abandu ba Nyamuhanga. (Soma Yosua 5:13-15.) Nomwakine indi awandi masako akabugha athi Yehova yuwabya akakania na Yosua, kikalhangirika ngoku Nyamuhanga abya akakolesya omumalaika erimubughira, ngoku anakolha kera.—Eriluayo 3:2-4; Yosua 4:1, 15; 5:2, 9; Emibiri 7:38; Abanya Galatia 3:19.
6-8. (a) Ni kyahi ekyangalekire obundi busondoli bw’omumalaika ibwalhangirika nga si butholere? (b) Thukaminya thuthi ngoku obusondoli bwabya butholere kandi ku mubwasira okwa buthuku? (Lebaya n’omwatsi ahikwa.)
6 Omumalaika mwabwira Yosua ebyenyine-nyine ebyo atholere erikolha erikinda e Yeriko. Erimbere, obundi busondoli bwangabya imubwalhangirika nga si butholere. Ng’eky’erileberyako, omumalaika mwabwira Yosua athi abasirikali abosi babanibawe. Aliwe neryo aho bangabere isibangathasyathoka erilhwa habw’ebiro birebe. Mbwino kwenene obu bwanabya buthuku obutholere eribania abalhume aba?—Enzuko 34:24, 25; Yosua 5:2, 8.
7 Abasirikali bangabya imubanayibulya bathi ‘Ithukendi theya thuthi amaka wethu esyonzighu syamabambira ekilhaliriro kyethu?’ Aliwe neryo muhabya ekindu ekyo bathabya bayitsulirye! Omwakanya k’eribambira Abaisraeli, abalhume be Yeriko mubabasagha. Thukasoma thuthi: “Abanya Yeriko mubakinga esyongyo syo kutsibu busana n’abaana be Israeli; isihali mundu oyukahulhuka, kandi isihali mundu oyukingiramo.” (Yosua 6:1) Omwatsi oyu angabya imwaleka Abaisraeli ib’ongera eriyikethera obusondoli bwa Nyamuhanga!
8 Omumalaika mwabwira Yosua athi Abaisraeli isibabambira e Yeriko. Omwakanya k’ekyo, babya batholere ibathimba okwa muyi murundi mughuma obuli kiro habw’ebiro mukagha kandi mirundi musanju okwa kiro ky’omusanju. Obundi abasirikali bangabya imubalengekania bathi, ‘Eri ni tsandya obuthuku n’akaghalha!’ Aliwe omusondoli w’Abaisraeli Yosua 6:2-5; Abaebrania 11:30. * (Lebaya omwatsi ahikwa.)
oyuthelhangirawa abya inianasi ekyo akakolha! Erighendera okwa busondoli bwiwe lisa mukyaghumya erikirirya ly’Abaisraeli, kandi mubathalhwa n’abasirikali be Yeriko.—9. Busana naki thutholere ithwaghendera okwa busondoli bwosi-bwosi obwa thukabana omwa kithunga kya Nyamuhanga? Iha eky’erileberyako.
9 Omwatsi oyu angathweghesyaki? Hakanayira ekithunga kya Yehova ikyakolha ebindu omwa nzira mbyaka, kandi hanganayira ithuthayitheghererya enzumwa. Ng’eky’erileberyako, thwanganabya isithwabya thulengekenie thuthi kitholere erikolesya ebyuma by’etekinologia omw’iyeghesya, omw’ithulira, kutse okwa mihindano. Aliwe lino thukalhangira emighaso y’eribikolesya kyamathokekana. Thukabya thukalhangira ebibuya ebikalhwiririra omwa mbinduka ng’esyo, erikirirya lyethu likaghuma kandi ithwongera eribya bughuma n’abalikyethu.
KRISTO MWASONDOLHA ATHI ABAKRISTAYO ABAKERA?
10. Nindi oyuwatheghekanaya omuhindano mukulhu ow’akathunga akakasondolha e Yerusalemu owahambire okw’ibanibwa?
10 Ihamabirilhaba myaka nga 13 omunya bihanda oyuthabwene iya Kornelio alibere Mukristayo, abandi Bakristayo Abayuda babya ibakinabugha bathi ni kikulhu eribanibwa. (Emibiri 15:1, 2) Balikyethu mubakakalhukana oko mwatsi oyu omo muyi we Antiokia. Neryo abasyakulhu mubahiraho endegheka ey’erithuma Paulo eriyabulya akathunga akakasondolha e Yerusalemu oko mwatsi oyu. Aliwe nindi oyuwahira h’endegheka eyi? Paulo mwasoborera athi: “Munayayo kusangwa Nyamuhanga mwanyibisulira athi nyiyeyo.” Ahathe erithika-thika, Kristo yuwasondolha emyatsi nuku akathunga akakasondolha kanga subirya ekibulyo ekyo.—Abanya Galatia 2:1-3.
Kristo yuwabya Musondoli ow’ekithunga ky’Ekikristayo ekya kera (Lebaya enungu 10, 11)
11. (a) Abandi Bakristayo Abayuda babya ibakinawithe malengekaniaki okw’ibanibwa? (b) Paulo mwakangania athi ngoku omw’iyikehya mwasighika abasyakulhu e Yerusalemu? (Lebaya n’omwatsi ahikwa.)
11 Kristo mwasondolha akathunga akakasondolha erilhangira ndeke-ndeke ngoku Abakristayo abathe Bayuda sibali yithagha eribanibwa. (Emibiri 15:19, 20) Aliwe, n’enyuma w’emyaka mingyi, Abakristayo bangyi Abayuda mubalholha embere eribania abaana babu. Neryo abasyakulhu e Yerusalemu mubowa ambu abandu banemuyithonga bathi Paulo syalithasikya Emighambo ya Musa. Neryo abasyakulhu mubasaba Paulo erikolha ekindu ekikakanganaya ngoku anasikirye Emighambo. * (Lebaya omwatsi ahikwa.) (Emibiri 21:20-26) Mubamubwira bathi athwale abalhume bbani omwa hekalu nuku abandu bangalhangira ngoku Paulo anasikirye Emighambo. Paulo angana bughire athi: ‘Ebi sindi bilhangira mw’amenge! Muthi eki ngakikole busana naki? Abakristayo Abayuda abatheyitheghereraya omwatsi w’eribanibwa b’ab’eriwathikya.’ Aliwe Paulo mwaminya ngoku abasyakulhu banzire Abakristayo abosi babye bughuma, neryo omw’iyikehya, mwaghendera okwa busondoli bwabu. Aliwe, thwangana bulha ekyaleka Yesu inialighira omwatsi w’eribanibwa inialholha embere erilyambya ahabw’obuthuku buuli ng’obo, nomwakine indi Emighambo ya Musa muyahwa omughulhu Yesu aholha.—Abanya Kolosai 2:13, 14.
12. Ni kyahi ekyangabya iky’ekyaleka Kristo inialeka halhabe obuthuku imwaghunzaho omwatsi w’eribanibwa?
12 Kyangana thwalha obuthuku erighendera okw’iyitheghererya lihya-lihya. Abandi Bakristayo Abayuda mubayithagha obuthuku eriligha ngoku sibakiri ahisi sy’Emighambo. (Yoane 16:12) Ibakalengekanaya bathi eribanibwa kikakanganaya obughuma bw’embaghane na Nyamuhanga. (Enzuko 17:9-12) Abandi ibakasagha bathi abandi Bayuda eyo bikere bangana bendererya busana n’eribya b’embaghane. (Abanya Galatia 6:12) Aliwe obuthuku mubwahika, Kristo amongera eribaha obusondoli erilhabira omwa syobaruha sya Paulo.—Abanya Roma 2:28, 29; Abanya Galatia 3:23-25.
KRISTO AKINASONDOLHA EKITHUNGA KIWE
13. Ni kyahi ekyanga thuwathikya erisighika emibere Kristo akathusondoleramu munabwire?
13 Na munabwire Kristo akine Musondoli w’ekithunga ky’Ekikristayo. Neryo ekithunga kyamakolha embinduka eyo wutheyitheghereraya, lengekanaya okwa mibere Kristo asondoleramu abandu ba Nyamuhanga kera. Mbulha omwa buthuku bwa Yosua kutse omwa buthuku bw’abakwenda, Kristo abiribya Abaebrania 13:8.
inianemuha obusondoli obuwene obw’eritheya abandu ba Nyamuhanga, erighumya erikirirya lyabu, n’eribawathikya eribya ibane bughuma.—Obusondoli obwa mughombe oyutheleghulha akathuha munabwire bukakanganaya ngoku Yesu athutsomene
14-16. Obusondoli ‘bw’omughombe oyutheleghulha n’ow’amenge’ bukakanganaya buthi ngoku Kristo anzire erithuwathikya eribya n’erikirirya erighumire?
14 Munabwire, “omughombe oyutheleghulha n’ow’amenge” akathuha obusondoli obwa thukayithagha okwa buthuku obutholere. (Matayo 24:45) Obusondoli obu bukakanganaya ngoku Yesu athutsomene. Marc, oyuwithe abaana bbani akabugha athi: “Sitani anemulengesya eritsekya ebithunga omw’ithabulha amaka. Neryo omw’ihirwa mw’omuhwa w’eribya n’eriramya ly’eka obuli wiki, oyuli muthwe w’eka akalhuaho inialhangira enzumwa—theghaya eka yawu!”
15 Thukabya thukalhangira ngoku Kristo akathusondolha, thukayitheghereraya ngoku anzire erithuwathikya eribya n’erikirirya erighumire. Ng’eky’erileberyako, omusyakulhu oyukahulhawa mwa Patrick akabugha athi: “Okw’itsuka, abandi mubayowa nabi erihindana mwa gurupu nyike-nyike omw’ithulira okwa wikendi.” Aliwe akabugha athi embinduka eyi yikakanganaya ngoku Yesu atsomene obuli mundu omwa kithunga. Ng’eky’erileberyako, balikyethu abandi abakakwa esisoni kutse abathabya bakaghenda kutsibu omw’ithulira bakayowa ibakayithaghisibawa kandi ngoku ni b’omughaso kutsibu. Eki kyabirighumya erikirirya lyabu.
16 Kristo kandi akathuwathikaya erihira omubiiri w’erithulira w’embere, nagho iw’omubiiri mukulhu owakakolhawa okwa kihugho munabwire. (Soma Mariko 13:10.) André, omusyakulhu muhyaka, abirilengaho erighendera okwa busondoli bwosi-bwosi obuhyaka obw’ekithunga kya Yehova kikaha. Akabugha athi: “Erikehya abali okwa byaghanda by’omuthahulha kikalhua ikyathukangania ngoku obuthuku obusighereyo ni buke kandi ku thutholere ithwahwerya akaghalha kethu kanene omwa mubiiri w’erithulira.”
THWANGA SIGHIKA THUTHI OBUSONDOLI BWA KRISTO?
17, 18. Busana naki thutholere ithwalengekania kutsibu okwa mighaso y’erighenda-ghendania n’esyombinduka?
17 Obusondoli obwa thukabana erilhua oku Yesu Kristo, Omwami wethu, bukendi thuwathikya lino n’obuthuku obukasa. Lengesaya erilengekania okwa mibere wabirighasirwamu busana n’erighendera okwa syombinduka esya lino-lino. Omw’iramya ly’eka, imwangana kania esyombinduka omwa mihindano kutse omw’ithulira nga syabiriwathikya sithi eka yenyu.
Wune muwathikya eka yawu n’abandi erighendera okwa syombinduka omwa kithunga kya Yehova? (Lebaya enungu 17, 18)
18 Thwamabya ithun’ibukire ngoku erighendera okwa busondoli bw’ekithunga kya Yehova mukalhua bibuya bingyi, ikikendi thwanguhira erighendera okwa busondoli obo kandi ithwatsema. Ng’eky’erileberyako, kundi sithukihulhukaya ebitabu bingaha n’ebyo thwabya thukahulhukya kera, sithukikolesaya esyosente sinene. Kandi kundi thukakolesaya etekinologia nyihyaka thukathoka erihikya okwa bandu bangyi kw’engulhu yuwene. Mbwino thwanganongera erikolesya esyovidiyo n’ebitabu ebiri omwa mulingo w’ekielekitroniki? Eyi ni nguma y’okwa syonzira esyo thwangana sighikiramu Kristo, oyuwanzire ithwakolesya ndeke ebindu by’ekithunga.
19. Busana naki ithwasighika obusondoli bwa Kristo?
19 Thukabya thukasighika obusondoli bwa Kristo, thukawathikaya balikyethu eribya n’erikirirya erighumire n’eryongera eribya bughuma. André akakanaya okwa syombinduka esyabya lino-lino esy’erikehya Abanya Beteli athi: “Emibere eyuwene eya Banya Beteli bakanganaya bakaghendera okwa syombinduka esyo yikaleka inathunga eriyikethera n’erisikya. Bakaghenda-ghendanaya n’ekiggali kya Yehova omw’ibana obutseme omwa mubiiri wosi-wosi ogho bakahebawa.”
IBYA N’ERIKIRIRYA N’ERIYIKETHERA OMUSONDOLI WETHU
20, 21. (a) Busana naki ithwayikethera Kristo, Omusondoli wethu? (b) Ni kibulyo kyahi ekyo thukendi syakaniako omo mwatsi owakakwamako?
20 Lino-lino Omusondoli wethu, Yesu Kristo, ‘akendi kinda’ n’erikolha emyatsi eyikathikaya. (Eribisulirwa 6:2; Esyonyimbo 45:4) Aliwe na lino anemuthuthegheka busana n’engebe ey’ekihugho kihya-kihya n’omubiiri owathukendi syakolhamu, thukakangirirya abakendi syalhubuka n’eriwathikya erikolha ekihugho mwa paradiso.
21 Thwamabya ithunayikethere Omusondoli wethu kandi Mwami nomuhangabyaki, iniakendi thwingirya omwa kihugho kihyaka. (Soma Esyonyimbo 46:1-3.) Munabwire, esyombinduka syangana kalha, kwilhabirirya syamathuhambako omwa mibere thuthalengekenie. Ekyo kyamabya, thwangabya thuthi ithunathekene omwa bulengekania n’eribya ithune n’erikirirya erighumire omu Yehova? Thukendi syakania okwa kibulyo ekyo omo mwatsi owakakwamako.
^ enu. 8 Abakasoma okwa by’omwa kithaka ebya kera, mubabana omwa bisambukalirya bye Yeriko mw’engano nene eyo abandu baghesa aliwe isibathalyayo. Eki kikalighirana n’omwatsi we Biblia, owakathubwira athi eribambira e Yeriko mulyaghunza buthuku buke kandi ngoku Abaisraeli mubathalighirwa erirya engano ye Yeriko. Kundi bwabya buthuku bw’erighesa, bwabya buthuku obutholere okwa Baisraeli erikinda ekihugho ekyo kundi habya ebyalya bingyi.—Yosua 5:10-12.
^ enu. 11 Lebaya akasanduko “Omw’Iyikehya Paulo Akimanira Erilengesibwa” omwa Watchtower, ey’Okwakasathu 15, 2003, olhupapura 24.