Wangana subirya ebibulyo ebi ebiseghemere okwa Kaleberyo aka 2019?

Omulhaghe wa Nyamuhanga owa: “Sihali kindu ky’amalhwa ekikahesawa erilhwa nawu ekikendi syaghasa” akamanyisayaki? (Isa. 54:17)

Thwangana yikethera ngoku Nyamuhanga akendi thutheya okwa bindu ebikatsandaya nga “omuka w’abandu b’omwagha.” (Isa. 25:4, 5) Esyonzighu syethu sisyendi syathoka na kera erithukolhako ekyanga thwaghalya kera na kera.​—w19.01, olhup. 6-7.

Emibere Nyamuhanga akolonganiramu n’Abanya Kanana n’Abaisraeli abayisamambulha muyakangania yithi obulingirirania bwiwe?

Nyamuhanga iniakatswera abakakolha nabi abakali n’abaana abathawithe kiwathikya. Iniakatsumulha abandu abakasighalha bathaleghulha okw’iyo n’erithwalha abandi omwa bulingirirania.​—w19.02, olhup. 22-23.

Thutholere ithwakolhaki oyuthe mwema wa Yehova amaha omusabe ithuneho?

Ithwanganabya bukuthu kandi omw’isikya aliwe isithwendi bugha thuthi “amina,” kutse erihambana nabu omo byalha omusabe akahebwa. Thwangana thwamu erisaba owethu musabe kikuthu-kuthu.​—w19.03, olhup. 31.

Busana naki erikolha okwa baana kw’eby’obuthundirya n’ilholho erikalire kutsibu?

Erikolha okwa baana kw’eby’obuthundirya n’ihalya ok’oyokiryakolhawako, oko kithunga, oko bathabali b’ekihugho, n’oku Nyamuhanga. Abasyakulhu bakalengaho erighondera ebilhaghiro by’egavumente eby’eritsongera oyuwabirikolha eby’obuthundirya.​—w19.05, olhup. 9-10.

Wanga hindulha wuthi kutse eryuwania obulengekania bwawu?

Eby’erikolha bya bino: Kanaya na Yehova. Ghaniraya iwune n’ekilhubirirwa ky’eriyilebya. Sombolha abanywani omwa menge.​—w19.06, olhup. 11.

Thwanga kolhaki lino eriyitheghekera eriendereribwa?

Thutholere ithwaghumya obughuma bwethu na Yehova. Kakasaya ngoku Yehova akwanzire kandi ngoku syanga kusighania. Soma e Biblia buli kiro, n’erisaba buthumbya. Kakasaya ngoku emighisa y’Obwami yikendi syabererera. Hambira omwa muthwe amasako agho wanzire kutsibu n’esyonyimbo esy’eripipa.​—w19.07, olhup. 2-4.

Thwanga kolhaki eriwathikya abahughu bethu erisyalhamibwa?

Ni kikulhu eriyitheghererya eriyowa lyabu, leka emibere yawu eyuwene yihe obwema, kandi ghumisirizaya n’erikolesya amenge.​—w19.08, olhup. 15-17.

Omulhaghe wa Yesu owali omu Matayo 11:28 akathulhuhukaya athi?

Thuwithe abalebererya abathwanzire, abanywani abuwene, n’omubiiri owuwene kutsibu.​—w19.09, olhup. 20-23.

Nyamuhanga angathuha athi omuthima w’erianza n’amaaka w’eriyira eky’erikolha? (Fil. 2:13, NW)

Thwamasoma Ekinywe kya Nyamuhanga n’erikighaniryako, Nyamuhanga angana thuha omuthima w’erianza erikolha erisonda liwe. Omulimu wiwe abuyirire angan’uwania amaaka wethu.​—w19.10, olhup. 21.

Ni byahi ebya thutholere ithwakolha thuthe thwathwamu?

Ebiika bithano bya bino: Sekulhaya ndeke. Saba amenge. Lebaya ndeke ebilhubirirwa byawu. Yihirireho ebilhubirirwa. Kolha ebyo wanga thoka.​—w19.11, olhup. 27-29.

Mbwino engangirirya eya akalimu akatheholha yatsuka okwa ebya Sitani abwira Eva?

Kyangabya isi ky’ekyo. Sitani mwabwira Eva athi syendisyaholha, butsira eriholha okwa mubiri lisa. Sihali n’engangirirya y’amabehi eyasighalha okw’Ighunga ly’Amaghetse. Engangirirya y’akalimu akatheholha yikabya nga yatsuka Nyamuhanga athali apanza abandu ababya bakahimba omunara we Babeli.​—w19.12, olhup. 15.