Mughalha wethu na mukali wiwe abo obuli ngyakya bakasoma eriyikaniako lighuma bakabugha bathi: “Emyatsi eyi ka yabirithulethera etseme kandi yabirithuhumulikania! Yikathw’ibukaya ngoku nethu thwangana sighalha bathaleghulha omwa mibere yosi.” Mwali wethu oyukayowa ng’ibo akabugha athi: “Emyatsi y’eriyikaniako eyi yikahumulikanaya, yikahira omwa mundu mw’omuhwa, n’erithekania omuthima. Esyongebe sy’abalikyethu siwithe ekighendererwa ekyuwene. Eriyikaniako lyabu likanyihira mw’omuhwa w’erikolha bingyi omwa mubiiri wa Yehova n’eringwathikya erihira omwa baana baghe mw’omuhwa w’erisangira omwa mubiiri wa Yehova ow’omughulhu wosi.”

Emyatsi y’eriyikaniako yangana kuhira mw’omuhwa w’erianza eriyihiriraho ebilhubirirwa ebitholere, erirwanisya erilemererwa lyawu, n’erighumira ebitsibu ebikalire iwunatsemire kandi iwunasikire. Wangabana wuthi emyatsi eyi?

• Sondaya emyatsi eyikabera eryasa eya “Eriyikaniako ly’Abema ba Yehova” okwa jw.org kutse omwa JW Library®.

• Sondaya “Eriyikaniako ly’Abema ba Yehova” omwa Watchtower ONLINE LIBRARY^™ kutse Watchtower Library.