NGOKU WANGA YEGHESYA
Ebya Wanga Kolha Wukayeghesya Ahabwawu Kutse omw’Iramya ly’Eka
Sithuli subulira okw’iramya Yehova ng’egurupu okwa mihindano y’ekithunga n’okwa mihindano eminene-minene, aliwe kandi thukamuramya, mundu ahabwiwe kandi ng’efamile. Hano hane ebya wanga kolha wukayeghesya ahabwawu n’omw’iramya ly’eka:
-
Thegheka emihindano y’ekithunga. Wangana hiramo n’eriyeghesya esyonyimbo n’eriwathikya abosi omwa famile erigha erithegheka eky’erisubirya.
-
Soma mwatsi mulebe we Biblia. Enyuma waho, thera ekisasani ekihambire oko mwatsi mulebe kutse handika kindu kirebe ekyo wam’igha.
-
Yithendaye okwa musabe mulebe owali omwa Biblia, kandi lebaya ng’angakuwathikya athi eryuwania emisabe yawu.
-
Lebaya evidiyo, neryo kaniranaya kuyo n’abandi kutse handika mwatsi mulebe owahambire kuyo.
-
Yitheghekere omubiiri w’erithulira, obundi ng’eriyibegheresya.
-
Samalira ebihangikwa n’eribighaniryako kutse lebaya nga bikakweghesayaki oku Yehova. a
a Lebaya omwatsi “Igha Bingyi oku Yehova Erilhabira omo Bihangikwa Biwe” omwa Akaleberyo ak’Okwakasathu 2023.