Obundi, nga bangyi omw’ithwe, kikanakukalira eryibuka ebya wulyayeghesaya. Aliwe, wukanalhangira ngoku eby’erileberyako ebyo Yesu akolesaya bikakw’olhobera eryibuka? Iwangana thera akasasani kabyo, neryo ekyo ikyakuwathikya eryibukabyo. Kuthya, wangan’ibuka bingyi okwa ebyo wuk’igha omw’ithera akasasani kabyo omwa bulengekania. Ekyo wangakikolha wuthi? Omw’ithera ebisasani wukayeghesya.

Abandu abakabera erithera ebisasani by’ebindu bihyaka ebyo bak’igha mughulhu mungyi bakibukabyo ndeke. Babirikilhangira ngoku amenge aya syalisubulira okw’ibawathikya eryibuka ebinywe aliwe n’eryibuka esyonzumwa ngulhu. Ebisasani byabu ebyo sibiribya ebitherire ndeke—bikabya ebyolhobire. Kandi kutsibu-tsibu kyabirilhangirika ngoku abakulire omwa myaka bakaghasirawa bamakolha ekyo.

Wukathasyayeghesya, iwanganalengesya erithera ebisasani birebe by’ebya wam’igha. Iwanganasweka wukaminya nga ni bingahi ebyo wang’ibuka!