Abathuliri bangyi bakakolesaya e JW Library^® bakathegheka emihindano, kandi bakasima emibere eyuwene eyayikaletheramo obuli mwatsi w’erigha ow’Akaleberyo. Aliwe mughulhu mungyi omwa Akaleberyo ak’erigha mukabya imune eyindi myatsi eyirimo ebyalya by’obunyakirimu. Wangabana wuthi emyatsi eyi n’erighasirwa muyo, omw’ikolesya e JW Library?

• Okw’ighunzerera ly’obuli mwatsi w’erigha ow’Akaleberyo, hane omuthwe muke “Eby’Erithasyasoma.” Ahisi sy’omuthwe muke oyo, thulha okwa link “Eyindi myatsi omo gazeti eno.” Lhaba omwa ebirimo, erilhangira ngoku emyatsi y’erigha yiminyikalibirwe ndeke kandi ku yiriko esyonamba. Thulha omwa muthwe w’omwatsi ow’ongerwemo ogho wamanza erisoma.

• Okwa peji Eyikatsuka eye JW Library omwa katsweka “Ebihyaka,” kimaya obuli gazeti mbyaka ey’Akaleberyo yikahulhuka. Kyungulha egazeti eyawamabirikimya n’erilhaba omwa ebirimo erilhangira wuthi wukaghasirawa omwa myatsi eyosi.