Omughulhu thukasoma e Biblia, ithwangana kolesya ebikakolesibawa muthina-muthina omw’igha e Biblia eriyitheghererya ebya thukasoma. Aliwe, sithutholere thukasubulira okw’iminya bingyi buyira. Thwanzire ithwaminya bingyi ebihambire okwa mibere ya Yehova ebikendi leka ithwongera erimwanza. Erithoka erikolha eki, ithwangana yibulya, ‘Omwatsi we Biblia oyu akanyeghesayaki oku Yehova?’

Thwangana sondya ebikabisulha emibere mikulhu-mikulhu ya Yehova, olhwanzo, amenge, obulingirirania, n’obuthoki. Mbaghane n’emibere eyi, Yehova anawithe eyindi. Anawithe n’eyindi mibere eyikatsemesaya. Ni hayi aho thwanga bana bingyi ebihambire okwa mibere yiwe?

Lhaba omwa listi ey’eyindi mibere eyilhabire omu 50 eyiri omwa Watch Tower Publications Index ahisi sy’omuthwe “Jehovah” n’omwa muthwe muke “Qualities by Name.” Sekulhaya okwa yihambire okwa mwatsi we Biblia ogho wukasoma. (Wamabya iwuwithe Obusondoli obw’Erisekulya Omwa Bitabu eby’Abema ba Yehova busa, lebaya ahisi sy’omuthwe “Yehova Nyamuhanga” n’omwa muthwe muke “Emibere ya Yehova.”)