Ebibulyo Erilhua Omwa Basomi
Omulhume n’omukali abathathahenie bamakesya omwa nyumba nguma ibobene isihali nzumwa eyitholere, mbwino eki kikakanganaya indi babirikolha erilholho n’eribya ibatholere eribanika embere sy’akathunga akakatswera?
Neryo kwesi hathethabanika esyonzumwa esilhangirikire, hatholere ihahiribwa akathunga akakatswera.—1 Abanya Korinto 6:18.
Abasyakulhu bakalebaya ndeke obuli mubere erilebya ngakinatholere erihiraho akathunga akakatswera. Ng’eky’erileberyako: Mbwino balhue ibane omwa buthethane? Abasyakulhu banabiribahabulha okwa mibere bakakolonganiramu? Ni kyahi ekyaleka ibakesya ibobene omwa nyumba? Bwino babya ibabirikithegheka? Banalhue bawithe ekindi eky’erihikako, kutse muhakabya ekindu ekiryasa bwase neryo bamabya isibakiwithe eky’erikolha kyamaleka ibakesya omo nyumba ibobene? (Omugambuli 9:11) Mubakakesaya hayi? Emibere siyisosene, neryo hanganabya ebindi ebikendi hamba okw’ithwamu ly’abasyakulhu.
Abasyakulhu bakendibya babirilebya omwatsi owosi, neryo ibakend’ithwamu akathunga akakatswera ng’akanahiraweho.