ERIPONANGANA NGOKU LYANGA HWAHO
1 | Isiwabya mw’Akasolholho
E Biblia Yithi:
“Nyamuhanga syawithe ebithagha [akasolholho]. Nikwa omwa buli kihanda omundu oyukubaha Nyamuhanga, n’erikolha ebithunganene akalighawa nayu.”—EMIBIRI 10:34, 35.
Ekya Kikamanyisaya:
Yehova * Nyamuhanga syalithutswera busana n’ekihanda kyethu, ekihugho, erangyi, kutse ekalikya. Omwakanya k’ekyo, akathungerera ekikulhu kutsibu—ekya thuli omwakathi. Ni kwenene, “omundu akalhangira erisosa ly’eyihya, nikwa Omwami Mukulhu akasamalira omwa muthima.”—1 Samweli 16:7.
Ekya Wanga Kolha:
Nomwakine indi sithwanga minya ebiri omwa mithima, thwangana lengaho erigherererya Nyamuhanga n’eribya n’amalengekania w’erithendi solholha abandi. Lengaho erilhangira omundu ahabw’iwe butsira ng’egurupu. Wamayowa iwunawithe amalengekania mabi okwa bandi—obundi ab’omwa kindi kihugho kutse ekihanda—saba Nyamuhanga n’erimulemba-lemba wuthi akuwathikaye eriyighunzamu eriyowa ng’eryo. (Esyonyimbo 139:23, 24) Wamasaba Yehova erilhua okwa muthima wuthi akuhe amaaka w’eribya butsira kasolholho, ahathe erithika-thika iniakendi hulikirira erisaba lyawu kandi iniakuwathikya.—1 Petero 3:12.
^ Yehova ni rina lya Nyamuhanga.—Esyonyimbo 83:18, NWT.
“Nabya isindi nathikalha haghuma n’omusungu omwa buholho . . . Lino ngali omwa lhughanda lhw’abalikyethu olhw’ekihugho kyosi.”—TITUS
