ERIPONANGANA NGOKU LYANGA HWAHO
4 | Kinda Eripona Abandi omo Buwathikya bwa Nyamuhanga
E Biblia Yithi:
“Emikolere eyikalhua oko Mulimu y’eyi: olhwanzo, obutseme, obuholho, eriyibombeka, obwenge, obubuya, erithendileghulha, omuthima mwolho, n’eriyitheya.”—ABANYA GALATIA 5:22, 23.
Ekya Kikamanyisaya:
Erighunzaho ebikaletha eriponangana likathokekana omwa buwathikya bwa Nyamuhanga. Omulimu wiwe abuyirire anganaleka ithwabya n’emibere eyo thuthe thwanga thunga ahabwethu. Neryo omwakanya k’erilengaho erisingura eriponangana omo maaka wethu, thukakolha ndeke thukayikethera obuwathikya obwa Nyamuhanga akathuha. Thwamakolha ekyo, ithwangana yilhangirira ekiri ng’eky’omukwenda Paulo ayilhangirira, oyuwahandika athi: “Obuthoki bunene obo bubye bwa Nyamuhanga butsira bwethu.” (2 Abanya Korinto 4:7) Kandi ithukendi thoka eribugha thuthi: “Obuwathikya bwaghe bukalhua oko Mwami Mukulhu.”—Esyonyimbo 121:2.
Ekya Wanga Kolha:
“Yehova abirileka ingabya isingakiri mulhume w’amalhwa aliwe ow’obuholho.”—WALDO
Erilhua oko muthima, saba Yehova y’omulimu wiwe abuyirire. (Luka 11:13) Musabe akuwathikaye erikangania emibere eyuwene omo ngebe yawu. Igha okwa bya Biblia yikabugha okwa mibere eyikaghunzaho eriponangana, ng’olhwanzo, obuholho, erighumisirizya, n’eriyikakirya. Sondekanaya esyonzira esy’erikulha-kulhaniryamo emibere eyo omo ngebe yawu. Kandi nywana abakalengaho erikulha-kulhania emibere ng’eyo. Abandu ng’abo bangana kuwathikya eribya ‘n’olhwanzo n’emibiiri eyuwene.’—Abaebrania 10:24.
