Wamabya isi wuli wathaponwa, obundi wabirilhangiralyo omo mulingo mulebe kutse owundi. Amakuru muswire emyatsi eyihambire okwa bakaponawa busana n’eribya ini b’ekindi kihugho, erangyi, kutse busana n’omulingo w’emyatsi y’engyingo eyo bakakolha. Busana n’ekyo, esyogavumente nyingyi sikahiraho ebilhaghiro ebikalire erisuyira abakakolha abandi ba nabi busana n’eribapona.

Eriponwa mukalhua eripona abandi. Abakaponawa mughulhu mungyi bakanza erithuhulya kandi ekyo kikaleka eriponangana iryalholha embere.

Obundi wabiribana akasolholho, akatsambu, erisiningulirwa, eritsumwa, n’erihayirwa. Aliwe, mughulhu mungyi eriponangana lilhabire n’okw’aho. Kutsibu-tsibu likalhua mw’obuyighu, erikolha abandi bo nabi, eritsandalikania ebindu, eritsuma, erihambira abakali bakinyamakara, eritha, nibya n’erithinda abandu.

Egazeti eno yikendi subirya okwa bibulyo ebiri ahikwa n’erikangania ngoku eriponangana lyangana hwaho:

• Busana naki ihabya eriponangana lingyi?

• Eriponangana lyanga hwaho lithi?

• Mbwino hanemwendi syabya obuthuku eriponangana iryahweraho ighuma?