AKALEBERYO Na. 1 2023 | Amaghalha w’Obwongo—Obuwathikya Erilhua omo Biblia
Erithimba omo kihugho kyosi, ebitsibu by’obwongo erighana bikaghalhaya esyomiliyoni sy’abandu. Abalere n’abakulhu erilhua omwa mibere yosi, abagaga n’abanakwa, abasomire n’abathasomire, abalhuire omwa bihanda muthina-muthina, n’esyodini bakabanikako ehiminyikalho hy’obulhwere bw’obwongo. Amalhwere w’obwongo niki, kandi akahamba athi oko bandu? Egazeti eno yikendi kania okwa mughaso w’erithambirwa ndeke n’okwa syonzira muthina-muthina esyo e Biblia yanga wathikiryamo ndeke ababulhwere.
Erikanyirira ly’Ekitsibu ky’Obwongo Erighana
Eby’obwongo erighana byangana hamba abandu b’emyaka yosi-yosi kutse abalhuire omo mibere muthina-muthina. Lhangira ngoku erihabulha lye Biblia lyanga hamba ndeke oko maghalha wawu w’obwongo.
Nyamuhanga Akakutsomana
Busana naki iwayikethera ngoku Yehova Nyamuhanga akayitheghereraya ndeke amalengekania n’eriyowa lyethu kwilhaba owundi mundu wosi-wosi?
1 | Omusabe “Muhire erihangya-hangya lyenyu lyosi oku Nyamuhanga”
Mbwino kwenene iwanasaba Nyamuhanga busana n’amaghaniryo wosi-wosi? Omusabe akaghasira athi abakaghalhawa busana n’amaghaniryo?
2 | “Amasako Akathuha Eriyitsingirira”
Omwatsi we Biblia akaha amaha kundu ngoku eriyowa nabi likisiya iryahwaho.
3 | Ghasirawa Omwa by’Erileberyako bye Biblia
Emyatsi ye Biblia eyihambire okwa balhume n’abakali ababya bawithe eriyowa ng’eryethu yangana leka ithwaminya ngoku sithwe basa abakatuntura kandi abanemughumira amaghaniryo n’amalengekania awathuwene.
4 | E Biblia Yikaha Erihabulha Eryuwene
Lhangira ngoku erighanirya okwa masako we Biblia n’eriyihiraho ebilhubirirwa ebitholere kyangana kuwathikya erighumira ebitsibu by’obwongo erighana.
Ngoku Thwanga Wathikya Abawithe Ebitsibu by’Obwongo
Erihayo obuwathikya bwawu kyangana ghasira omunywani oyuwithe ekitsibu ky’obwongo erighana.
