Nyamuhanga Akakutsomana
E BIBLIA y’eyiri mw’erihabulha eryuwene kutsibu ery’obunyakirimu. Si kitabu ky’eby’amaghalha, aliwe yangana thuwathikya ndeke erirwanisya emibere eyikaleka ithwatuntura, ithwabya n’amaghaniryo awakalire kutsibu, ithwayowa nabi, n’ebitsibu by’amaghalha w’omubiri n’aw’obwongo.
Ekikulhu kutsibu, e Biblia yikathukakasaya ngoku Omuhangiki wethu, Yehova Nyamuhanga, a akayitheghereraya ndeke amalengekania n’eriyowa lyethu kwilhaba owundi mundu wosi-wosi. Anzire kutsibu erithuwathikya erighumira ekitsibu kyosi-kyosi ekya thukabana. Ng’eky’erileberyako, lengekanaya okwa masako abiri we Biblia awakahumulikanaya ano:
‘Omwami Mukulhu ali hakuhi n’ab’emithima ibbunangikire, akalhamaya abathawithe amaha.’—ESYONYIMBO 34:18.
‘Ingye indi Mwami Mukulhu, Nyamuhanga wenyu, oyukakuwathirira omo byalha byawu by’amali, oyukakubwira athi, si wubahe, ngendi kuwathikya.’—ISAYA 41:13.
Aliwe ibbwa Yehova akathuwathikaya athi erighumira ekitsibu ky’obwongo erighana? Ngoku wukendi lhangira omwa myatsi eyikakwamako, Yehova akakanganaya ngoku kwenene athutsomene omwa syonzira nyingyi esikawathikaya.
a Yehova ni rina lya Nyamuhanga.—Esyonyimbo 83:18, NWT.
