Ni Kyahi Ekikakusombolera Engebe y’Embere?
Abangyi bikirirye bathi akaghalha kalebe akathelhangirawa kakakasondolha engebe yabu y’embere. Busana n’enyikirirya eyi, bakakolha ebindu ebyo bakalengekanaya bathi bikendi leka ibabya ndeke.
EBYA BANGYI BIKIRIRYE
ERILHAGHULIRYA ESYONGUNUNU: Abandi bikirirye bathi ngoku esyongununu syabya sithondekenie bakabuthwa ky’ekikabasombolera engebe y’embere. Bakasondekanaya omwa by’erilhaghulirya esyongununu eriminya ebikendi syababyako n’eriyira ekyo bakakolha eriyitheya okwa kabi kutse eribana omughisa.
EBISAMBU: Abandi bikirirye bathi bamahimba amanyumba wabu omo mibere mirebe ikikendi balethera omughisa. *
ERIRAMYA ABASOKULHU ABABIRIHOLHA: Kandi abandi bikirirye bathi batholere ibaramya abasokulhu ababiriholha kutse esyonyamuhanga muthina-muthina nuku babatheghaye n’eribaha omughisa. Van, * oyuwikere e Vietnam, akabugha athi, “Ing’ikirirye indi namasikya abasokulhu ababiriholha, iningendibya omo ngebe eyuwene lino kandi ikyasyaleka ingye n’abaana baghe ithwabya ndeke obuthuku obukasa.”
ERIBUTHWA MWA KINDI KINDU: Abangyi bikirirye bathi omundu amaholha, akathasyabuthawa mwa kindi kindu, neryo ekyo ikyabera eriyisubamo. Bikirirye bathi ebibuya kutse ebithuwene ebyo bakalhabamo lino ni busana n’ebya bakolha ibakine omwa ngebe y’owundi mulingo.
Aliwe, abangyi bakalhangira esyonyikirirya ng’esyo ng’ebihaniriro. Nibya kandi ibabya iban’ikirirye omwa by’erisoma ebighanza by’ebyalha, erilhaghulirya esyongununu, Ouija® boards, tarot cards, n’ebindi ng’ebyo. Bakayowa bathi obundi ebindu ng’ebyo byangana baha akaghisa k’eriminya engebe yabu y’embere.
EBYA BIRILHWIRIRIRAMU
Mbwino abakikiriraya omo bindu ng’ebyo bane bathabya omo ngebe eyuwene?
Thalengekania okwa kyalholirweko kya Hào, oyuwikere e Vietnam. Mwakolesya eby’erilhaghulirya esyongununu, feng shui, n’eriramya abasokulhu ababiriholha erimusondolha. Mwanaghasirwa? Hào akabugha athi, “Ebizinesi yaghe muyawa, namawa omw’amabanza, omw’eka yaghe mwamabya akatabanguko, kandi kyamanyilethera ebitunturo.”
Qiuming, owe Taiwan, nayu in’ikirirye omw’ilhaghulirya esyongununu, abaholi eributhwa mwa kindi kindu, ebikabya eribya ibyabirisangwa byatheghekwa, feng shui, n’eriramya abasokulhu ababiriholha. Abere abiriyithendya okwa myatsi eyi, mwabugha athi: “Munaminya ngoku esyongangirirya ng’esi n’emirwa sibirihambangana kandi sibiriyitheghereribawa. Munaminya ngoku erilhaghulirya esyongununu mughulhu wosi bikabya ibiwire. Bikahika okw’ibuthwa mwa kindi kindu, wamabya isi wang’ibuka ebyabya omwa yindi ngebe eya wulhuemo, wanga hinduka wuthi n’erikolha ebyuwene omwa wundi mulingo w’engebe eya wukayabyamo?”
“Munaminya ngoku esyongangirirya ng’esi n’emirwa sibirihambangana kandi sibiriyitheghereribawa.”—QIUMING, TAIWAN
Nga Hào, Qiuming, n’abandi bangyi babiriyilhangirira ngoku ebindu eribya ibyabirisangwa byatheghekwa, esyongununu, abasokulhu ababiriholha, kutse erithasyabuthwa si by’ebikathusombolera engebe y’embere. Mbwino eki kikamanyisaya kithi si thuwithe ekyo thwanga kolha oko ngebe yethu y’embere?
Abangyi bakayowa bathi erisoma kali-kali n’obugaga by’ebikendi leka ibabya omo ngebe eyuwene. Ni byahi ebyabirilhwiririramo okwa bandi ababirithwamu erikolha ekyo?
^ enu. 5 Omo China n’omwa bindi bihugho bye Asia abandu bakakolha ekiri ng’eki ekikahulhawamo “Feng Shui.”
^ enu. 6 Omo mwatsi ono n’eyikakwamako, awandi mena abirihindulhwa
^ enu. 16 Ebinywe ebi bikabanika omwa Abanya Galatia 6:7. Omwatsi oyo akanganibwe omwa kasimo akasibwe ake Asia kano Wamahera ebyobe, wukahulhulha ebyobe; wamahera ebihimba, wukahulhulha ebihimba.
You May Also Like
AKALEBERYO
Erilhaghulirya Esyongununu n’Erilhaghulha—Mbwino Byangana Leka eby’Obuthuku Obukasa Ibyaminywa?
Wanga Yikethera wuthi emibere y’eryanza eriminya eby’obuthuku obukasa obu?
AKALEBERYO
Ekya Biblia Yikabugha Okwa Ngebe n’Olhuholho
Mbwino hane akandu akakathulhuamo ikayabyaho thwabiriholha? Thune mw’akalimu akathe holha? Abaholi bali hayi?
