Omughulhu Engebe Yikakalha Kutsibu
Ng’eky’erileberyako, Sally, a oyuwikere e Amerika, oyuwaheraya ebindu biwe bingyi omwa kiyagha kinene, akabugha athi: “Munayowa isinanga thasyaghumisirizya. Mughulhu mungyi, iningayowa inamalhuha.”
Kandi ibbwa wamaholerwa? Janice, owe Australia, akabugha athi: “Omughulhu naholerawa baghalha baghe abosi babiri, munabya ng’ekindu ekyabirithulika mwa butaho-butaho. Munalemba-lemba Nyamuhanga indi: ‘Kisi, namalhuha erighumisirizya! Leka ngahole. Singanzire erithasyabyaho.’”
Owundi ni Daniel, oyuwasirikalira omwa muthima busana na mukali wiwe erisingira. Akabugha athi: “Mukali waghe abere akabugha athi abirisingira, mukyabya ng’erilhabya omuhamba omwa muthima waghe. Obulhumi obu mubwanyaghalya kandi ahabw’amezi mangyi.”
Egazeti y’Akaleberyo eno yikendi kangania ekyangaleka engebe iyabya iyikine y’omughaso nomuhangabya
Neryo, eritsuka, ni kyahi ekya thwanga kolha hamabya ekitsinduli?
a Awandi mena omwa mwatsi ono abirihindulhwa.