OKWA BATHAHENIE
4: Erighanyira
EKYA KIKAMANYISAYA
Erighanyira ly’erithwamu erithendi lhanda okwa kiryakuhithanaya n’erithendi bika ekinigha. Erighanyirana siririmanyisaya lithi iwalhangira ekisobyo mwa kike kutse eriyithwa nga sihathabya ekyabere.
OMUSINGYI WE BIBLIA: “Neryo mughanyirane, mubughirane omughulhu omundu awithe omwatsi oko wundi.”—Abanya Kolosai 3:13.
“Wamabya iwanzire omundu, siwulihira ameso w’okwa buthahikana bwiwe aliwe wukahiragho okwa syombinduka esyo mundu anemulengaho erikolha.”—Aaron.
EKIKALEKA IKYABYA KIKULHU
Wamabika ekinigha, iwangana yihuthalya kinyamubiri n’omw’iyowa—kandi wangana tsandya n’obutheke bwawu.
“Buthuku bughuma, mwira waghe mwanyisaba ekighanyiro busana n’ekindu kirebe ekya nyihithanaya kutsibu. Mukyanyikalira erimughanyira. Erighunzerera munamughanyira, aliwe nga yikubayabwomo eribya imungathamughanyira lhuba. Mukyahamba okwa bughuma bwethu.”—Julia.
EKYA WANGAKOLHA
YILEBAYE
Omwanze wawu amathasyabugha kutse erikolha ekikakuhithanaya, yibulhaye:
-
‘Mbwino namahithana lhuba-lhuba?’
-
‘Ekiryakolhawa kikalire kutsibu indi ngatholere erisabwa ekighanyiro, kutse nangana kwama kya kikyurukya ameso?’
KANAYA N’OMWANZE WAWU OKWA BIBULYO BINO
-
Kikathuthwalira buthuku bungahi ithwe erighanyirana?
-
Ni kyahi ekya thwanga kolha erilhangira thuthi thukaghanyirana omwa byalhuba?
AMENGE
-
Wamahithanibwa, isiwalengekania wuthi omwanze wawu alyakighenderera.
-
Lengaho erilhangira wuthi wukaghanyira omwanze wawu, iwun’ibukire ngoku “ithwe abosi thukathalha omwa bingyi.”—Yakobo 3:2.
“Kyolhobire erighanyira ithwe bosi babiri thwamabya ithuli omwa sobya, aliwe kikakalha kutsibu omughulhu omughuma yuli omwa sobya. Kikayithagha eriyikehya linene erithoka erighanyira omundu oyukakusaba ekighanyiro.”—Kimberly.
OMUSINGYI WE BIBLIA: “Wusangane lhuba n’omutsongeri wawu.”—Matayo 5:25.
Wamabika ekinigha, iwangana yihuthalya kinyamubiri n’omw’iyowa—kandi wangana tsandya n’obutheke bwawu
