Yesu ni Mwami w’Obwami bwa Nyamuhanga.

Luka 1:31-33: “Wasyamwahulha mo Yesu. Asyabya mukulhu, kandi wasyamwahulha mo Mughalha wa Nyamuhanga w’Endatha Kutsibu. Omukama Nyamuhanga asyamuha ekithumbi ky’obwami kya thatha-kulhu wiwe Dawudi. Kandi asyathabalira ekihanda kya Yakobo kera na kera, n’obwami bwiwe sibwendisyahwa.”

Obwami w’abya mwatsi mukulhu omw’ithulira lya Yesu.

Matayo 9:35: “Yesu mwalendera omo miyi yosi n’oko hiyi hyosi, iniakakangiriraya omo manyumba wabo w’erihindanamo, n’erithulhughania engulhu yuwene y’Obwami, n’erilhamya obuli musindo w’endwalha n’obuli musindo w’obukoni.”

Yesu mwaha abigha biwe ekiminyikalho eky’eribawathikya eriminya ngoku Obwami bwa Nyamuhanga bukisiya ibwasa.

Matayo 24:7: “Kusangwa ekihanda kyasyalhwa n’ekindi kihanda, n’obwami bwasyalhwa n’obundi bwami, kandi hasyabya esyonzalha ehandi n’ehandi, n’emisiki ehandi n’ehandi.”

Abigha ba Yesu banemuthulhughania Obwami omwa kihugho kyosi.

Matayo 24:14: “Kandi engulhu yuwene y’Obwami eyi yasyatsuka erithulhughanibwa omwa kihugho kyosi busana n’eriminyisya ebihanda byosi, neryo enduli yasyahika.”