“Obwami Bwawu Bwase”—Omusabe Ogho Bandu Bangyi Bakasaba
Wunewathasaba wuthi Obwami bwa Nyamuhanga bwase? Habw’emyaka mingyi, abandu bangyi babirisubirira omwa binywe “Obwami bwawu bwase.” Busana naki ibasaba bathya? Kundi Yesu mwabwira abakamukwama athi ibasaba Obwami bwa Nyamuhanga.
Erimbere, abigha ba Yesu mubathayitheghererya ebyosi ebyo abugha ebihambire oko Bwami. Mubanamubulya bathi: “Mukama, wukendi subya Obwami oko Israeli mangahano kwehi?” Bangabya imubasweka Yesu akaghana eribabwira ekiro kyonyine-nyine eky’eryasa ly’Obwami bwa Nyamuhanga. (Emibiri 1:6, 7) Mbwino ekyo kikamanyisaya kithi sithwanga minya Obwami bwa Nyamuhanga nga niki kandi nga bukendi syasa mughulhu wahi? Ku bithe bithya!
Akaleberyo kano kakendi kuwathikya eribana eby’erisubirya okwa bibulyo bino:
Busana naki thukayithagha Obwami bwa Nyamuhanga?
Omwami w’Obwami bwa Nyamuhanga nindi?
Obwami bwa Nyamuhanga bukendi syathabalha ekihugho mughulhu wahi?
Obwami bwa Nyamuhanga bukendi syakolhaki?
Busana naki lino ithwathwamu erisighika Obwami bwa Nyamuhanga?
Obwami bwa Nyamuhanga niki?
You May Also Like
ESSENTIAL BIBLE TEACHINGS
Obwami bwa Nyamuhanga Niki?
Omw’ithulira liwe eryosi, Obwami bwa Nyamuhanga bwa Yesu akangirirayako kwilhaba owundi mwatsi wosi-wosi. Ahabw’ebighonye bingyi, abigha biwe babirisaba bathi Obwami obo bwase.
