Abaholi Erilhubuka —Wangaminya Wuthi ku Ni Kwenene?
Mbwino ni ky’obukiru erilengekania thuthi abaholi bakendi syabyaho kandi? Omukwenda Paulo iyo mwathakilhangira mwa ky’obukiru. Mwabugha athi: “Amaha wethu oku Kristo amabya iniali busana n’engebe enu nyisa, neryo ithuli bandu abangakwirwa obulighe kwilhaba abandi bandu bosi. Nikwa kwenene Kristo abirilhubukibwa oko baholi, kandi amabya w’erimbere erilhubuka omo kathi-kathi k’abandi abaholha.” (1 Abanya Korinto 15:19, 20) Paulo mwathathika-thikira erilhubuka. Amaha aya abya iniabirighumibwa omw’ilhubuka lya Yesu. * (Emibiri 17:31) Ky’ekyaleka Paulo iniabugha athi Yesu yuwabya “w’erimbere erilhubuka”
Yobu mwabwira Nyamuhanga athi: “Wanganzire omubiiri w’ebyalha byawu.”
Hane eyindi nzumwa eyanga leka iwaligha ngoku erilhubuka lineyo. Yehova ni Nyamuhanga oyukabugha okwenene. Ni “Nyamuhanga oyuthebiha.” (Tito 1:2) Yehova syali atha biha, kandi sikyendi syabya. Iniana thulhaghanisya athi hakendi syabya erilhubuka, nibya iniakangania kw’angana kikolha, kandi kwesi iniakathutheba? Ekyo sikyangabya!
Nikyahi ekikaleka Yehova iniahira h’endegheka y’erisyalhubukya abandu? Lh’olhwanzo lhwiwe. Yobu mwabulya athi, “Omundu amaholha, asyaswabyaho kwehi?” “Wangabirikira naghe inakwithaba. Wanganzire omubiiri w’ebyalha byawu.” (Yobu 14:14, 15) Yobu abya inianasi ndeke-ndeke ngoku Thatha wiwe w’olhwanzo ow’elhubulha anganzire kutse erikandira erimulhubukya. Mbwino Nyamuhanga ahindukire? “Ingye Mwami mukulhu; sindi binduka.” (Malaki 3:6) Nyamuhanga akine n’olhukando olhw’erilhangira abandu ibabirilhubuka, ibane n’amaghalha awuwene, ibanatsemire. Omubuthi wosi-wosi ekyo ky’angananza amaholerwa omwana wiwe. Aliwe embaghane eyiriho, Nyamuhanga iyo awithe n’obuthoki bw’erikolha eky’akakandira.
Olhuholho ni kitsibu ekikalire, aliwe Nyamuhanga analhuwithire omubatsi
Yehova akendisyaha Mughalha wiwe y’obuthoki bw’erilethera ababiriholerwa b’obutseme bunene kutsibu. Mbwino Yesu nayu ananzire inialhubukya abandu? Abere athali alhubukya Lazaro, Yesu mwalhangira bali b’obu Lazaro, na banywani babu ibali omwa bulighe bunene, neryo nayu “mwalira.” (Yoane 11:35) Okwa bundi buthuku mweya omukwakali we Naina, oyuwabya iniabiriholerwa omwana wiwe. Neryo Yesu mwamukwira obulighe n’erimubwira athi, “siwulire.” Neryo aho-n’aho amasubya omwana wiwe. (Luka 7:13) Busana n’ekyo, kikahamba oku Yesu kwa kutsibu abandu bakaholerwa. Kwesi ka kikendi syamutsemesya kutsibu akahindulha obulighe mwa tseme nyisa-nyisa omwa kihugho kyosi!
Wune wathabya omwa bulighe bw’eriholerwa? Iwangana yowa olhuholho nga silhwendi syahwaho. Aliwe hane omubatsi
Lionel, oyuli omwa mwatsi ono mw’enyuma, akabugha athi: “Erighunzerera munaminya ngoku hane erilhubuka. Erimbere mukyanyikalira eriyitheghererya kandi mundayikethera oyuwanyibwira omwatsi oyu. Aliwe munalebya omwa Biblia namabana ini kwenene! Ngendi syabulikira ingalholha oku sukulhu waghe.”
Wunanzire iwathasyaminya bingyi? Abema ba Yehova ibakendi tsema bakakukangania omwa Biblia yawu ekikaleka ibayikethera ngoku abandu bakendi syalhubuka. *
^ olhup. 3 Eribana ebikakanganaya ngoku kwenene Yesu mwalhubuka, lebaya ekitabu The Bible
^ olhup. 9 Wukasabawa erilebya esura 7 ey’ekitabu E Biblia Kwenene Yikakangirirayaki? ekikahulhukibawa n’Abema ba Yehova.