1. Hali ’kitabu ky’embapura nyingyi,

Kyaletha etseme n’obuholho.

Kiri mw’omwatsi w’obuthoki bungyi;

Kikaha ngebe n’ekyakakalha.

Ekitabu ekyo ye Bibilia.

Nyamuhanga mwasondolha ’bandu,

Neryo bamahandika ’Kinywe kiwe,

Mwabaha buthoki bw’omulimu.

2. Mubahandika myatsi y’ekwenene,

Ngoku ahangika ’bindu byosi.

Mubakania ’kwa mundu w’erimbere

Ngoku aheraya Paradiso.

Bakania n’okwa omumalaika

Oyuwaghana ya Nyamuhanga.

Ekyo kya letha kibi n’obulighe,

Nikwa Yehova asyabihaho.

 3. Lino thuli omwa butseme bungyi.

Kristo ane muthabalha ’Bwami.

Buno bw’obuthuku obw’omulhamu

Okw’abosi abakamukenga.

Kitabu ekyo muli myatsi eno;

Ekihulho ekibuyirire.

Kikathuha obuholho bunene;

Kisomawe n’abandu abosi.