1. Lhwanzo lhulhue mw’omuthima,

Mwamuli ’nzuko y’erianza;

Kyaleka ithwanza kundu

’Balikyethu banzwa.

Thukendi thoka ’rikangya

Olhwanzo olhwa thuwithe,

Eribya ab’olhukeri,

Ab’olhwanzo kundu.

Thwanze mwa mikolere,

Thubye benge okw’ab’obwagha,

Erikolha ’bibuya

’Kwa buli ndambi yosi.

Thukasikaya abandi;

Thukitsomana abandi.

Balikyethu bamasobya,

Thukendi baghanyira,

Eritheya ’bughuma.

2. Thwamabya n’olhwanzo kundu,

Sithwendi hithana lhuba;

Ithukendi yikethera

Kundu balikyethu.

Thukakolha amanywani;

Ithwa wathikania ndeke.

Thwahindana n’obutseme,

Eribana ’maaka.

Thwahalya buli kiro;

 Ebinywe byangana hithania.

Neryo thubughe ndeke

N’abanzwa ba Yehova.

Thwasabya banywani kundu,

Eribya bughuma ndeke.

Mubye abandu b’olhwanzo,

Halhamba Nyamuhanga;

Wighe olhwanzo lhwiwe.