OLHWIMBO 108
Olhwanzo Lhwa Nyamuhanga Olhuthyusa
-
1. Yehova ni lhwanzo.
Thwalhangira lhwanzo olho
Mwathuma Mughalha wiwe,
Oyuwaliha mbanulho,
Neryo kyamathuha maha,
W’engebe n’etseme kundu.
(KORASI)
Inywe mukwire Nyotha,
Mwase munywe buyira.
Ka munywe, mulhangire;
Lhwanzo lhwa Yehova.
-
2. Yehova ni lhwanzo.
Eby’akolha byakikangya.
Kwenene iyo ni lhwanzo,
Mwayira Yesu mw’Omwami.
Eby’anzire bikoleke.
Obwami bwabiritsuka.
(KORASI)
Inywe mukwire Nyotha,
Mwase munywe buyira.
Ka munywe, mulhangire;
Lhwanzo lhwa Yehova.
-
3. Yehova ni lhwanzo.
Nethu ka thubye n’olhwanzo.
Thuwathikaye abolho,
Erighondera Yehova.
Thwamukolera n’omuhwa,
Ka thuthulire abosi.
(KORASI)
Inywe mukwire Nyotha,
Mwase munywe buyira.
Ka munywe, mulhangire;
Lhwanzo lhwa Yehova.
(Lebaya na Esy. 33:5; 57:10; Efe. 1:7.)
