OLHWIMBO 128
Eriyiyinia Erihika Okwa Nduli
-
1. Emilhaghe ya Yehova
Yaleka ’thwaghuma.
Ebya wab’igha n’erianza
Ebyosi ni kwenene.
Wughume omw’ikirirya,
Wibuke ’kiro kiwe.
Wubye omuthaleghulha;
Mw’irengwako w’eribwa.
-
2. Lhwanzo lhwawu lhw’erimbere
Siwuherayelho.
Nomuhangabya bitsibu,
Wuyiyinirayebyo.
Nomuwanga lengwak’uthi,
Siwubahe nahake.
Yehova asyakulhamya,
Syendi syakusighania.
-
3. Abakendi syayiyinia
Babasyalhamibwa.
Amen’abo asy’ibukwa,
Syendisy’ibiriranwa.
Neryo w’ighe ’riyiyinia;
Wuleke lihikane.
Yehova asyakusima;
Wasyabana etseme.
(Lebaya na Ebr. 6:19; Yak. 1:4; 2 Pet. 3:12; Erib. 2:4.)