Kyabbalaza, Okwakabiri 13, 2023, ekithongole kye Centers for Disease Control and Prevention (CDC) ekiri e United States mukyahulhukirye eripoti eyihambire okwa maghalha w’obwongo aw’abalengwa abe U.S. Muyakanganirye ngoku epasenti eyilhabire oku 40 ey’abanya sukuru abali omwa siniya bakabya ibane omwa bulighe kandi isibawithe amaha.

 Dr. Kathleen Ethier, omwimaniri w’ekithongole kye Division of Adolescent and School Health (DASH) ekiri ahisi sye CDC mwabughire athi: “Nomwakine indi thwabirilhangira amaghalha w’obwongo aw’abalere ak’ongera erighana omwa myaka 10 eyihwere, olhulengo lhw’amaghalha w’obwongo erighana n’amalengekania w’erianza eriyitha n’emibere mibi y’abasika abalengwa lino byabiriy’ongera kutsibu kwilhaba kera.”

 Eripoti muyakangenie ngoku:

•    Omwa basika ikumi, abalhabire okwa 1 (pasenti 14) babirihambwa kinyamakara. Dr. Ethier akabugha athi: “Omo kwenene eki kik’ubahisaya. Omwa buli basika 10 abalengwa aba wasi, hakiri mughuma w’okw’ibo, obundi abangyi okw’aho, babirihambwa kinyamakara.”

•   Hakuhi musika 1 okwa 3 (pasenti 30) mubanzire kutsibu eriyitha.

•   Hakuhi basika 3 okwa 5 (pasenti 57) mubabere omwa bulighe bw’olhughumerere kandi isibawithe maha.

 Omo kwenene, emighanzo eyi yikabbuna omuthima. Obunyethu butholere ibwabya buthuku obuwene kandi obw’etseme. Ni kyahi ekyanga wathikya abalengwa erighumira ebitsibu ebya bakabana lino? E Biblia yikabugha yithiki?

E Biblia yikaha abalengwa b’obuwathikya obuwene

 E Biblia yikasoborera ndeke-ndeke emighulhu eyikalire eyo thulimu munabwire. Yikahulha emighulhu eyi mwa ‘emighulhu eyikalire.’ (2 Timoteo 3:1-5) Nomwabine, e Biblia yikaha erihabulha erithehwa okwa buthuku erinemuwathikya esyomiliyoni sy’abalengwa omwa kihugho kyosi erithoka erighuma nomubane mubana ebitsibu. Lebaya emyatsi eyiseghemere okwa Biblia eno.

•   Kandi Ibbwa Namabya Isingakyanzire Eribyaho?

•   Nganzire Ngahole—E Biblia Iyananyiwathikya Namasa mw’Amalengekania w’Eriyitha?

•   Siwuhwe Amaha!

•   Nanga Ghumira Indi Ekitsibu ky’Erisisira kw’Obwongo?

•   Nanga Yihighulha Indi Okwa Malengekania Awathatholere?

•   Nanga Ghumira Indi Amaghaniryo?

•   Nanga Sondolha Indi Eriyowa Lyaghe?

•   Ulhua omo Bulighe, Wutseme (ehikatuni ehikatherawa)

•   Kandi Ibbwa Bamanyitsuka kw’Omwagha?

•   Kandi Ibbwa Namapumirwa Okwa Intaneti?

•   Singura ow’Omwagha Isiwathalhwa Nayu (ehikatuni ehikatherawa)

•   Nanga Rwanisya Indi Erisulhusuthibwa Omwa by’Olhuthetho?

•   Ambi Inaminyaki okw’Ikolhwako eby’Engyingo Kinyamakara?—Ekitsweka 1: Eby’Erikolha Kithe Kyabya

•   Ambi Inaminyaki okw’Ikolhwako eby’Engyingo Kinyamakara?—Ekitsweka 2: Eby’Erikolha Kyabiribya

E Biblia yikaha ababuthi b’erihabulha eryuwene

 Kandi e Biblia yikaha erihabulha eryuwene eriwathikya ababuthi nuku bangawathikya abalengwa babu erighumira ebitsibu ebyo bakabana. Lebaya emyatsi eyiseghemere okwa Biblia eno.

•   Abalengwa Erisisira kw’Obwongo—Busana Naki? Ni Kyahi Ekyanga Wathikya?

•   Omughulhu Mwali Wawu Omulengwa ali Omwa Bitunturo

•   Kandi Ibbwa Bamapuma Omwana Waghe?

•   Omughulhu Omulengwa Wawu Akayihuthangalhaya

•   Abaana n’Emithahulha y’Erikanirania—Ekitsweka 1: Mbwino Omwana Waghe Anakolesaye Emithahulha y’Erikanirania?

•   Abaana n’Emithahulha y’Erikanirania—Ekitsweka 2: Erikangirirya Omulengwa Wawu Ngoku Angayitheya Bikahika Okwa Mithahulha y’Erikanirania

•   Abaana n’Esyosimati foni—Ekitsweka 1: Mbwino Omwana Waghe Anathunge Esimati foni?

•   Abaana n’Esyosimati foni—Ekitsweka 2: Erikangirirya Abaana Ngoku Banga Kolesya Esimati foni Omwa Menge

•   Ngoku Wanga Kania n’Omulengwa Wawu okw’Ithumirana Emyatsi y’eby’Engyingo