Okwa bandu bangyi, erihwaho ly’akasolholho k’erangyi ni bilhotho buyira.

•   “Akasolholho k’erangyi kanemulholha embere eritsandya ebithongole, ebitebe ebikanza erihiraho obuholho, n’engebe eya buli kiro ey’abandu ehosi-hosi. Akasolholho kanemulholha embere erileka abandu ibakolhana nabi.”—António Guterres, Omuhandiki-Mukulhu ow’Obughuma bw’Ebihanda (UN).

 Akasolholho k’erangyi kane mwendi syahwaho? E Biblia Yikabugha Yithiki?

 E Biblia yikathukanganaya Nyamuhanga ng’akalhangira athi abandu

•   “Omo mundu mughuma [Nyamuhanga] mwahangika ebihanda byosi by’abandu erikalha omo kihugho ehosi.”—Emibiri 17:26.

•   “Nyamuhanga syawithe ebithagha [akasolholho]. Nikwa omwa buli kihanda omundu oyukubaha Nyamuhanga, n’erikolha ebithunganene akalighawa nayu.”—Emibiri 10:34, 35.

 E Biblia yikabisulha ngoku abandu bosi ni baghuma kandi ngoku Nyamuhanga akaligha abandu b’obuli rangyi.

 Obwami bwa Nyamuhanga, egavumente y’elhubulha, y’eyikendi syaghunzaho akasolholho k’erangyi. Egavumente eyo yikendisya kangirirya abandu ngoku banga thwalha abandi omwa mibere eyitholere. Abandu bakendi sy’igha ngoku banga yilhusyamo amalengekania wosi-wosi w’akasolholho k’erangyi agho bangabya bawithe.

•   ‘Esyondulhani sy’ekihugho sikendi sy’igha erithunganene.’—Isaya 26:9.

•   “Omubiiri w’erithunganene asyabya buholho, n’omubiiri w’erithunganene asyabya eriyibombeka n’eriyikethera ebiro byosi.”—Isaya 32:17.

 Munabwire, esyomiliyoni sy’abandu bane mw’igha omwa Biblia ngoku banga sikya abandi n’eribaha ekitsumbi.

•   Eriminya bingyi, soma egazeti eya Awake! eyiwithe omuthwe “Mbwino Hane Ekyanga Ghunzaho Akasolholho?”

•   Soma omwatsi “Erikania n’Abaana Okwa Bihambire Okwa Kasolholho” eriminya bingyi ngoku ababuthi banga kania okwa mwatsi oyu eka.