Okwa bandu bangyi erithimba omwa kihugho, kikalire eribana akasente akakaghunza—kandi kinemw’ongera erikalha.

•   Erikwamana n’eripoti y’ekihugho kyosi eya lino-lino, a “obughuli bw’omusara ow’akahebawa obuli kwezi anemw’ongera erihwa amani.” Yikabugha yithi hamathendiyira ekikakolhawa, “ihakendibya embaghane nene ahakathi-kathi k’abagaga n’abanakwa n’abangyi ibakendy’ongera eriaghalhwa kwilhaba kera.”

 Mbwino esyogavumente sinemwendi thoka erighunzaho ebitsibu by’emingirirye ebinemuyongera ebi?

 E Biblia yikasoborera ngoku hane egavumente eyikendi syaghunzaho ebitsibu byosi by’emingirirye, imwamune n’eby’abandi eribya bagaga okwa bandi. Yikabugha yithi “Nyamuhanga w’elhubulha asyahangania obwami,” egavumente nguma nyisa eyikendi syaghunzaho ebitsibu byosi by’ekihugho. (Danieli 2:44) Ahisi sy’egavumente eyo, obuli mundu akendi syahikwako. (Esyonyimbo 9:18) Obwami bwa Nyamuhanga bukendi syalhangira buthi esyondulhani syabu sikabana ebya sikayithagha nuku sitseme. Abosi bakendi syatsemera ebibuya ebikalhwiririra omwa kaghalha kabu.—Isaya 65:21, 22.