“Erihinduka-hinduka kutsibu ly’emibere y’obuthuku lyabirileka abandu ibayilhalikirira kutsibu kandi lyabirihamba nabi kutsibu okwa syotawuni n’engolongana y’eby’obuhangwa. Ebiyagha ebikalire kutsibu, ebikayongera erikalira ighuma busana n’erihinduka-hinduka ly’emibere y’obuthuku, binemutsandalikania amanyumba n’erileka engebe iyakalira abandu omwa kihugho kyosi. Esyongetse sinemuyongera erihuha kutsibu, busana n’ekyo emiringo mingyi y’ebihangikwa ebirimo yanganahwaho.”—Inger Andersen, under-secretary-general of the United Nations and executive director of the UN Environment Programme, Okwomusanju 25, 2023.

 Mbwino esyogavumente sinemwendi syathoka erikolera haghuma erighunzaho ebitsibu by’ekihugho kyosi ebi? Isyanathoka eribighunziraho ighuma?

 E Biblia yikakanaya okwa gavumente eyikendi syaghunzaho ebitsibu byosi by’ekihugho ebihambire okwa by’obuhangwa. Yikabugha yithi “Nyamuhanga w’elhubulha asyahangania Obwami,” egavumente eyikendi syathabalha ekihugho kyosi n’erighunzaho ebitsibu byosi. (Danieli 2:44) Omwisi sy’egavumente ey’ekihugho kyosi eyo, abandu ‘sibendi syaghalya kutse eriherya’ owosi-wosi kutse ekihugho.—Isaya 11:9.