Kyabbalaza, Okwakabiri 6, 2023, emisiki eyikatsandalikanaya muyabere e Turkey ne Syria.

•   “Omusiki munene mw’ithire abandu abalhabire omu 3,700 omwa kitsweka kinene e Turkey n’endatha w’ebulhua lyuba bwe Syria Kyabbalaza. Eki kyabya omwa buthuku bw’ekihuhiriro kinene, ekindu ekyaleka emibere iyakalira kutsibu esyongumi sy’abandu abahuthalha omwa musiki kutse abaheraya amanyumba wabu. Ekihuhiriro kinene eki kandi mukyalekire ikyakalha kutsibu eribana ababalha okwa musiki.”—Reuters, Okwakabiri 6, 2023..

 Emithima yethu yikalhuma thukasoma okwa bitsinduli ng’ebi. Okwa buthuku ng’obu, thwangana yikethera Yehova “Nyamuhanga w’erikirania lyosi.” (2 Abanya Korinto 1:3) Erilhabira omwa Masako, Yehova akathuha “erihanda omuthima, ithwathoka eribya n’amaha.”—Abanya Roma 15:4.

 Omwa Biblia, thukaminya:

•   Ebya lhaghulhawa ebihambire okwa misiki.

•   Aho thwangabana erihumulikanibwa n’amaha.

•   Ngoku Nyamuhanga akendi syaghunzaho eriaghalhwa lyosi.

 Eriminya ebya Biblia yikabugha okwa myatsi eyi, soma omwatsi:

•   “Emisiki Eminene-minene—E Biblia Muyalhaghulha Yithiki?”

•   “Ni Hayi Aho Nangabana Amaha?”

•   “Nyamuhanga Akisiya Iniaghunzaho Eriaghalhwa Lyosi”