Biro 27 Okwokubanza 2023, abandu bangyi bakend’ibuka Ekiro Abayuda Bangyi Bithibawa Ekikibukawa Omwa Kihugho Kyosi. Erithibwa eryabya emyaka eyilhabire oku 75 kera lyangana leka iwabulha nga ni kyahi ekyaleka Nyamuhanga inialighira Abayuda bangyi erithibwa.

•   Eriminya ekya e Biblia yikabugha, soma omwatsi “Busana Naki Abayuda Bangyi Mubithibwa? Busana Naki Nyamuhanga Mwathakikakirya?”

 Abayuda mubaghalhwa kutsibu bak’ithibwa. Kyasibwe ngoku esyomiliyoni sy’abandu musy’ithibwa omwa nzira eyitheghekirwe. Abandu b’omwa sindi gurupu nabu mub’endereribwa n’erithibwa omughulhu Abayuda bangyi bithibawa. Omw’ibo mwabya imune n’Abema ba Yehova, ab’endereribawa busana n’esyonyikirirya syabu esiseghemere okwa Biblia.

•   Eriminya bingyi, soma omwatsi “Ni Byahi Ebyabya Okwa Bema ba Yehova Omwa Buthuku Omughulhu Abayuda Bangyi Bithibawa?”

 Abandu bangyi bak’ubaha bathi ekindu ekiri ng’erithibwa ly’Abayuda bangyi kyangana thasyabya. Eky’obutseme, e Biblia yikakanaya okwa buthuku obukasa omughulhu ebindu ebik’itha obuba ng’ebyo sibyendi syaswabyaho.

•   “Kusangwa Omwami Mukulhu athi, Nyinasi amalengekania agho ngalengekanaya busana nenyu, amalengekania w’obuholho, si w’ekibi, eribaha amaha okwa biro byenyu ebikasa.”—Yeremia 29:11. a

 Amaha aya akendi syabererera omughulhu Yehova Nyamuhanga akendi syayira eky’erikolha erighunzaho obubi n’ebyabiritsandibwa busana n’obubi obo. Akisiya:

•   Iniaghunzaho ababi abakahuthalhaya abandi.—Emisyo 2:22.

•   Inialhamya abosi ababiriaghalhwa.—Eribisulirwa 21:4.

•   Inialhubukya ababiriholha nuku bathasyabyaho okwa kihugho.—Yoane 5:28, 29.

 Wangana yikethera amaha aw’akahumulikanaya agho e Biblia yikaha. Eriminya ekikaleka, thukakusaba thuthi wulengesaye endegheka y’eryeghesibwa e Biblia ahathe erithuha.